Söngdívan Þórunn Antonía Magnúsdóttir hlóð batteríin á einu vinsælasta hóteli meðal áhrifavalda Íslands, Diamond Suites í Keflavík, eftir annasama vinnuviku.

„Það var svo ótrúlega nærandi að vakna á hóteli eftir langa vinnutörn af árshátíðar giggum, partý Karaoke og popp laga prógrömmum seinustu viku,“ skrifar Þórunn Antonía í færslu á Instagram, þó hún hefði viljað staldra aðeins lengur við.

Þórunn gaf fylgjendum sínum á samfélagsmiðlum innsýn í dvölina og birti meðal annars mynd af sér í heitum potti þar sem sést glitta í beran bossann og gaf Leonardo Dicaprio fingurkoss.

„La vita e bella. Leo bað að heilsa,“ skrifaði Þórunn við myndina.
Mynd/Instagram

Meðal annarra áhrifavalda sem hafa farið á fyrrnefnt hótel eru athafnakonurnar Birgitta Líf Björnsdóttir og Lína Birgitta Sigurðardóttir.