Lífið

Skutu föstum skotum að fjöl­miðla­full­trúanum

Spjallþáttastjórnendurnir Stephen Colbert og Jimmy Kimmel skutu í gær föstum skotum að Söruh Huckabee Sanders, fjölmiðlafulltrúa Trump ríkisstjórnarinnar.

Spjallþáttastjórnendurnir fóru að kostum við að ræða fullyrðingar Sanders.

Spjallþáttastjórnendurnir Stephen Colbert og Jimmy Kimmel skutu í gær föstum skotum að Söruh Huckabee Sanders, fjölmiðlafulltrúa Trump ríkisstjórnarinnar fyrir að hafa deilt unnu myndbandi af blaðamanninum Jim Acosta á Twitter síðu sinni. 

Hvíta húsið staðfesti í vikunni að það hefði afturkallað blaðamannapassa og þar með aðgang Acosta að Hvíta húsinu eftir að blaðamaðurinn spurði Bandaríkjaforseta gagnrýninna spurninga um ummæli hans um innflytjendur í aðdraganda miðkjörskosninganna. 

Við umrætt myndband skrifar Sanders að Hvíta húsið standi við afturköllunina vegna „ósæmilegrar hegðunar blaðamannsins sem sjáist greinilega í umræddu myndbandi.“ Blaðamaðurinn hefur sjálfur sagt að um óforskammaða lygi sé að ræða. 

Í innslagi sínu í þætti gærdagsins sagði Colbert að vinnsla og birting myndbandsins hlyti að vera tilefni til brottrekstrar fjölmiðlafulltrúans. „Eða eins og þau kalla það í Trump stjórninni: fimmtudagur,“ og vísaði þar í stöðuga brottrekstra forsetans á helstu forsvarsmönnum ríkisstjórnar sinnar.

Kimmel tók undir með Colbert og í sama streng, það hlyti að vera tilefni til brottrekstrar að blaðafulltrúinn hafi unnið myndband til þess að koma óorði á blaðamanninn. Þá gerði hann jafnframt stólpagrín að Kellyanne Conway, talsmanni ríkisstjórnarinnar.

Athugasemdir

Auglýsing
Auglýsing

Tengdar fréttir

Lífið

Garðar kokkur brauðfæðir lávarðadeildina

Lífið

335 milljóna endur­greiðsla úr ríkis­sjóði til Ó­færðar 2

Tíska

Kominn tími á breytingar

Auglýsing

Nýjast

Hall­grímur kláraði 60 kíló á átta vikum

Doktor.is: Normal Disorder?

Margir hugsan­lega á ein­hverfurófi sem þurfa enga hjálp

Forréttindi fyrir nýjan höfund

Besta ástarsaga aldarinnar?

Heiða syngur sig frá á­falla­streitu­röskun

Auglýsing