Stuttmyndin Sálnasafn var tekin upp fyrir tveimur árum í Hvammsvík þar sem þurfti nokkra miðla til að sporna við ágangi framliðinna anda sem neituðu að yfirgefa svæðið. „Við gerðum þátttökugjörning frábæru listafólki í Hvammsvík árið 2016, á leiklistar-og danshátíðinni Everybody’s Spectacular en þá fóru gestir í óvissuferð sem tók um fjórar klukkustundir,“ útskýrir Jóní Jónsdóttir önnur listakona Gjörningaklúbbsins. „Fólkið gekk þá inn í senurnar sem sjást í myndinni og er sjálfstætt verk unnið útfrá gjörningnum án áhorfenda. “ 

Miðill fann fyrir óværu

Miðill sem þær Jóní og Eirún fengu til liðs við sig fann á þessari gömlu landnámsjörð fyrir óværu sem þurfti að losna við. "Þarna var sérlega fyrirferðarmikill einn aðili og taldi miðillinn ekki óhætt fyrir okkur að halda áfram að vinna í húsinu. Óværan náðist svo út á hlað og þriðji miðillinn sem kom til okkar náðu honum af landareigninni fyrir opnunina en þangað til stóðu varðmenn að handan í dyrunum og vörnuðum honum ingöngu inní húsið svo við gætum unnið verkið. Þar stóð því leyniskytta úr bandaríska hernum og lífvörður Genghis Khan og sáu til þess að allt færi vel fram,“ segir Jóní og bætir við í léttum tón: „Fólk heldur að þetta sé eitthvað grín en þetta er auðvitað sannleikur.“