Skjaldborg - hátíð íslenskra heimildamynda verður haldin á Patreksfirði yfir verslunarmannahelgina dagana 31. júlí - 3. ágúst. Venja er að halda Skjaldborg um hvítasunnu en hátíðinni var frestað vegna COVID-faraldursins. Aðstandendur hátíðarinnar þakka víðtækri samstöðu þeirra sem að hátíðinni koma á Patreksfirði og almannavarna að hægt var að lagað dagskrá hátíðarinnar að breyttum aðstæðum.

„Skjaldborg er kraftmikil uppskeruhátíð heimildamyndahöfunda og eina íslenska kvikmyndahátíðin sem sérhæfir sig í að frumsýna íslenskar heimildamyndir. Reynsluboltar í faginu, byrjendur og hinn almenni áhorfandi koma saman á hátíðinni í skemmtilegu og skapandi samtali sem gegnir mikilvægu hlutverki fyrir þróun og miðlun íslenskrar heimildamyndagerðar,“ segir í fréttatilkynningu.

Þess er einnig getið að aldrei fyrr hafi hátíðinni borist jafn margar umsóknir fullbúinna heimildamynda sem og verka í vinnslu til þátttöku, sem er „jákvætt merki um mikla grósku á sviði heimildamyndagerðar á Íslandi.“

Heiðursgestur hátíðarinnar í ár er Hrafnhildur Gunnarsdóttir en hún hefur unnið ötullega að heimildamyndagerð á Íslandi á ferli sínum og í vetur sýndi RÚV til dæmis Svona fólk, heimildaþætti um málefni samkynhneigðs fólks á Íslandi sem hún vann að í rúma þrjá áratugi. Þá vann mynd hennar Vasulka áhrifin Einarinn, áhorfendaverðlaun Skjaldborgar 2019.

Eftirfarandi heimildamyndir verða frumsýndar á Skjaldborg 2020:

Senur úr listrænu ferli

Leikstjóri: Ívar Erik Yeoman

Framleiðandi: Anton Máni Svansson

Join Motion Pictures

Shore power

Leikstjóri: Jessica Auer

Framleiðandi: Jessica Auer

Ströndin Studio

Aftur heim?

Leikstjóri: Dögg Mósesdóttir

Framleiðandi: Dögg Mósesdóttir

Freyja Filmwork

Hálfur Álfur

Leikstjóri: Jón Bjarki Magnússon

Framleiðandi: Jón Bjarki Magnússon

SKAK bíófilm

Last And First Men

Leikstjóri: Jóhann Jóhannsson

Framleiðandi: Þórir Snær Sigurjónsson

Zik Zak Filmworks

Að sýna sig og sjá aðra

Leikstjóri: Sandra Björg Ernudóttir

Framleiðandi: Sandra Björg Ernudóttir

PLAY!

Leikstjóri: Þórunn Hafstað

Framleiðendur: Heather Millard & Þórður Jónsson

Compass Films

Góði hirðirinn

Leikstjóri: Helga Rakel Rafnsdóttir

Framleiðandi: Helga Rakel Rafnsdóttir

Skarkali

Er ást

Leikstjóri: Kristín Andrea Þórðardóttir

Framleiðandi: Kristín Andrea Þórðardóttir og Olaf de Fleur

Andrá kvikmyndafélag í samstarfi við Poppoli kvikmyndir

Just A Closer Walk With Thee

Leikstjóri: Matthew Barney

Radio Bongo

MÍR: Byltingin lengi lifi

Leikstjóri: Haukur Hallsson

Framleiðendur: Haukur Hallsson & Gunnar Ragnarsson

FAMU / Skýlið Studio

The Arctic Circus

Leikstjórar: Haakon Sand & Gudmund Sand

Framleiðandi: Dag Maartmann

Sandbox AS

Ökukveðja 010006621

Leikstjóri: Kolbrún Dögg Kristjánsdóttir

Framleiðandi: Kolbrún Dögg Kristjánsdóttir

Húsmæðraskólinn

Leikstjóri: Stefanía Thors

Framleiðandi: Helgi Svavar Helgason

Mús & Kött