Fólk

Skemmtilegar og bragðgóðar tilraunir

Margir eru vanafastir þegar kemur að því að nýta grænmeti til matargerðar.

Margir eru vanafastir þegar kemur að því að nýta grænmeti til matargerðar. Það er þó lítið mál að elda grænmeti á ólíka vegu, hvort sem það er í aðalhlutverki eða sem eitt hráefna í góðum rétti.

Matarmikil kjúklingasúpa með grænkáli og baunum

3 msk. olía

2 bollar smátt skorinn laukur

1 bolli smátt skorið sellerí

2-3 bollar smátt skorið blöðrukál (annars hvítkál)

4 hvítlauksgeirar, maukaðir með hvítlaukspressu

8 bollar kjúklingasoð

3-4 bollar eldaður kjúklingur

2 dósir hvítar baunir (cannellini), hreinsið vel undir köldu vatni

1 msk. þurrkuð steinselja

1 tsk. þurrkað óreganó

1 tsk. salt

1 tsk. svartur pipar

4 grænkálsblöð. Skerið stilka af og saxið í litla bita

1 bolli kúrbítur, saxaður í litla munnbita

1 msk. sítrónusafi (má sleppa en frískar upp á bragðið)

Setjið olíu í stóran pott og bætið út í lauknum og selleríinu. Steikið létt í nokkrar mínútur eða þar til orðið mjúkt. Hrærið reglulega. Bætið blöðrukálinu út í og steikið í um 3 mín. eða þar til það er mjúkt. Bætið hvítlauknum út í og hrærið rólega í 1-2 mín. Næst er kjúklingasoði, kjúklingi, baunum, steinselju, óreganó, salti og pipar bætt út í og látið sjóða í um 5 mín. Að lokum er grænkálinu, kúrbítnum og sítrónusafanum bætt út í og látið sjóða í 2 mín. Smakkið til með salti, pipar og meira af þurrkuðu kryddjurtunum. Súpan geymist í ísskáp í 5-7 daga og hægt er að frysta afganginn. Gott brauð og smjör fer vel með súpunni.

Einfaldar súrar gúrkur

Það er afar einfalt að sýra grænmeti, t.d. gúrkur. Súrar gúrkur fara vel með mörgum mat, t.d. rúgbrauði og kæfu, grilluðum og steiktum pylsum, með hamborgaranum og í alls kyns salöt og meðlæti, t.d. kartöflusalat og remúlaði. Hér er einföld uppskrift af súrum gúrkum sem er góð fyrir byrjendur.

Dugar fyrir þrjár meðalstórar krukkur

3 gúrkur

1 lítill laukur

1 bolli hvítvínsedik

1 bolli borðedik

1 bolli sykur

3 msk. gróft salt

1 tsk. fennelfræ

1 tsk. piparkorn

2 tsk. sinnepsfræ

1 tsk. kóríanderfræ

Takið fram þrár meðalstórar krukkur og sjóðið í nokkrar mínútur (lokin líka). Setjið til hliðar á hreint viskustykki. Gúrkurnar eru sneiddar þunnt, laukurinn er saxaður smátt og þessu blandað saman. Setjið í pott borðedik og hvítvínsedik, sykur, saltið, sinneps-, kóríander- og fennelfræin og piparkornin. Látið suðuna koma upp. Skiptið gúrku- og laukblöndunni í krukkurnar og hellið edikblöndunni yfir þannig að vökvinn nái yfir gúrkurnar. Lokið og setjið í ísskáp. Geymist í nokkrar vikur.

Súrar gúrkur fara vel með mörgum mat

Ofnbakað rósakál

Fátt er vanmetnara í þessu lífi en blessað rósakálið. Allt of margir eiga misgóðar minningar um mauksoðið rósakál úr barnæsku en það er hægt að elda á svo marga spennandi vegu, ekki síst sem spennandi meðlæti með ýmsu kjöti og fiski. Hér kemur sælkerabomba

Fyrir 6-8 manns sem meðlæti.

300 g beikon, skorið í bita

2 msk. smjör

1 kg rósakál. Takið ystu blöðin, skerið af stilkinum og skerið í tvennt)

Salt og pipar

5 hvítlauksgeirar, smátt saxaðir

400 ml rjómi

1½ tsk. maizenamjöl

⅓ bolli rifinn mozzarella ostur

¼ bolli parmesanostur

Hitið ofninn í 190 gráður. Steikið beikon þar til það er stökkt. Setjið á eldhúspappír. Hellið mestu fitunni af pönnunni (skiljið þó smá eftir). Bræðið smjörið á pönnunni, bætið rósakálinu út í og kryddið með salti og pipar. Hrærið reglulega í um 6 mín. Bætið hvítlauk í og hrærið áfram í um mínútu. Næst fer rjóminn í, lækkið aðeins hitann og látið sjóða létt í 3-4 mín. Ef sósan er of þunn má bæta maizenamjöli út í. Bætið beikoni í og blandið öllu vel saman. Hellið í eldfast mót og setjið mozzarella og parmesanostinn yfir allt saman. Bakið í ofni í um 15 mín. eða þar til osturinn er fallega brúnn. Það er gott að strá smá svörtum pipar og ferskri steinselju yfir þegar rétturinn er borinn fram.

Fátt er vanmetnara í þessu lífi en blessað rósakálið

Athugasemdir

Auglýsing
Auglýsing

Tengdar fréttir

Fólk

Þefar uppi notaðan fatnað

Fólk

Gamlingjar stýra tískunni

kynning

Þín útivist – þín vellíðan

Auglýsing

Nýjast

Saga sem er eins og lífið sjálft

Ástir og ör­lög taka völdin hjá Barokk­bandinu Brák

Ópera fyrir börn um tíma og plast

Aftur til framtíðar

Maður verður að vera sæmilegur til samviskunnar

Ópera um alla Reykjavík

Auglýsing