Lífið

Skamm­að­ur fyr­ir að biðj­a kær­ust­unn­ar í mar­a­þon­i

​Dennis Galvin hefur fengið að heyra það frá netverjum undanfarna daga eftir að hann bað kærustu sinnar. Ástæðan er ekki sú að hann hafi beðið hennar heldur sú leið sem hann fór þegar hann gerði það.

Frá maraþoninu í New York á sunnudag. Myndin tengist fréttinni ekki með beinum hætti. Fréttablaðið/AFP

Dennis Galvin hefur fengið að heyra það frá netverjum undanfarna daga eftir að hann bað kærustu sinnar. Ástæðan er ekki sú að hann hafi beðið hennar heldur sú leið sem hann fór þegar hann gerði það.

Kærasta hans, Kaitlyn Curran, var að taka þátt í sínu fyrsta maraþoni þegar Galvin skellti sér á skeljarnar. Curran var búin með tæplega 26 kílómetra af rúmlega 42 í New York-maraþoninu sem fram fór á sunnudag þegar hann stöðvaði hana og bað hennar.

Curran táraðist, sagði já en bætti við að hún yrði nú að klára hlaupið. Viðbrögðin hafa ekki staðið á sér á netinu. „Kærastan mín er að hlaupa maraþon. Hvernig get ég látið þetta snúast um mig?“ spyr einn notandi á Twitter. 

Annar segir að þeir sem æft hafa fyrir maraþon viti hversu mikið þarf að leggja á sig í undirbúningi. Að vera síðan truflaður í miðju hlaupi sé síðan algjör firra. 

„Biddu hennar við endamörkin vitleysingur! Fær hún ekki að hlaupa í friði frá þér?“ spyr önnur.

Hvað sem því líður þá sagði Curran já og veltir Galvin eflaust fáu öðru fyrir sér þar sem þau munu taka að eiga hvort annað í náinni framtíð.

Athugasemdir

Auglýsing
Auglýsing

Tengdar fréttir

Lífið

Jón Viðar dásamar Ófærð: „Hvað vill fólk meira?“

Heimilið

Fá hjón verja jafn miklum tíma saman

Tíska

Hildur Yeoman í Hong Kong

Auglýsing

Nýjast

„Ég er mikið kvikindi“

Fékk stað­gengil í nýjustu seríu Game of Thrones

Grænkerar í sjálfkeyrandi bílum

„Hæfileg óreiða finnst mér heilbrigð“

Komnar með bakteríuna

Hef sofnað á ýmsum skrýtnum stöðum

Auglýsing