Sjöundi þáttur Ófærðar var sýndur á RÚV í gærkvöld. Líkt og áður höfðu netverjar margt að segja um karaktera, stöðu rannsóknar á Siglufirði og annað sem átti sér stað í þættinum. 

Fólk var ekki hrifið af sögunni um geitastrákinn sem hjúkrunarfræðingurinn sagði iðnaðarráðherra. 

Þá velti fólk fyrir sér morðvopninu og hvort vinsældir gjallhamra myndi aukast í kjölfar þáttarins. 

Þá er margt við söguþráðinn sem ekki allir eru sammála um að gangi upp. Eins og af hverju öryggimyndavélar hafi ekki verið á vararafmagni og hversu fljótt hafi tekist að greina lífsýni á Siglufirði. 

Bárður, eiginmaður Hinrikku, bakaði afar girnilega gulrótarköku í þættinum. Margir velta því fyrir sér hvort hass hafi verið í kökunni, því Bárður er jú vel þekktur fyrir að reykja afar mikið af því. Þá var mikið rætt um samtal þeirra Ásgeirs og Bárðar uppi á fjalli þar sem Ásgeir spurði Bárð hvort sæði hans væri ekki latt af reykingunum.

Lokaatriðið virtist svo vekja talsverða athygli. Þar mátti sjá aragrúa af dauðum silungi í vatninu. Eins og þeir sem vita sem fylgst hafa með er þetta ekki í fyrsta skipti sem dauð dýr birtast á skjánum í Ófærð.