Heiðurinn af þessum guðdómlega gulrótarhleif á engin önnur er María Gomez lífsstíls- og matarbloggari með meiru sem er ástríðubakari af guðs náð. María heldur úti bloggsíðunni Paz.is og instagramreikningnum @paz.is.

Hleifinn er einfalt að gera og hér er deiginu hellt í brauðform, kæld og dásamlegu rjómaostakremi smurt ofan á. Auðvelt, einfalt og gott. Gulrótarhleifurinn er fullkominn til að njóta um hvítasunnuhelgina.

Gulrótarhleifur 2

Silkimjúkur gulrótarhleifur með rjómaostakremi

Gulrótarkaka

140 g hveiti

½ tsk. matarsódi

1 tsk. lyftiduft

½ tsk. salt

1 tsk. kanill

¼ tsk. múskat

1/8 tsk. negull

100 g sykur

100 g púðursykur

2 egg

1,5 dl ólifuolía

1 tsk. vanilludropar

180 g rifnar gulrætur

50 g pekanhnetur eða valhnetur

½ dós eða 70 g maukaður ananas (ekki hafa safann með)

½ dl kókósmjöl

Rjómaostakrem

115 g Philadelphia Original rjómaostur

55 g mjúkt smjör

340 g flórsykur

1 tsk. vanilludropar

AÐFERÐ

Gulrótarkaka

Setjið öll þurrefni saman í skál ásamt kókós og smátt muldum hnetum og hrærið létt saman með matskeið. Setjið svo í hrærivélarskál egg og sykur og hrærið þar til er orðið loftkennt létt og ljóst. Hafið hrærivélina áfram í gangi við lágan hraða og bætið olíunni hægt saman við í mjórri bunu, svo vanilludropunum, rifnum gulrótum og ananas (verið búin að þerra aðeins anananasinn). Hrærið þar til allt er vel blandað saman við lágan hraða og bætið svo þurrefnunum útí skálina og passið að hræra ekki allt of mikið svo kakan verði ekki seig. Smyrjið frekar stórt brauðform að innan og hellið deiginu í. Bakið svo við 180-185 °C blástur í 40-45 mínútur og gerið kremið á meðan.

Rjómasostakrem

Þeytið saman rjómaostinum, vanilludropum og smjöri þar til er orðið loftkennt og ljóst

Bætið þá flórsykrinum út í hægt og vandlega og þeytið saman alveg þar til kremið er orðið vel loftkennt og ljóst að lit eða í eins og í um það bil 5 mínútur. Kælið kökuna og setjið kremið ofan á og til hliðanna ef þið viljið og myljið smá hnetur yfir.

hleifur 3 2022-06-03 at 11.04.45.png

Njótið vel og gleðilega helgi.