Sigga Dögg kynfræðingur giftist sínum heittelskaða Sævari, á High Line í New York á miðvikudag, „ég sagði já,“ skrifaði Sigga Dögg við mynd af nýgiftu hjónunum.

„Í gær vorum við gefin saman og það var alger sóðabrókarathöfn þar sem heitin voru dónaleg algerlega bönnuð innan átján ára,“ skrifaði Sigga Dögg við myndbirtingu og segist ætla að halda íslenskt ástarpartí í sumar með þeirra besta fólki. „Þetta var auðvitað sóðalegasta athöfn allra tíma,en líka smá krúttleg,“ bætti hún við.

Vitnin í brúðkaupinu var fólk sem þau höfðu kynnst helgina á undan á djamminu og fóru heitin, dónalegu, fram á ensku, upplýsir Sigga Dögg afar glöð í bragði með daginn.