Fyrsta undan­úr­slita­kvöld fór fram í kvöld í Skrekk, hæfi­leika­há­tíðar skóla- og frí­stunda­sviðs Reykja­víkur, í Borgar­leik­húsinu. Þetta kemur fram í til­kynningu.

Selja­skóli og Ingunnar­skóli tryggðu sér sæti í úr­slitum kvöldsins. Sex grunn­skólar í Reykja­vík stigu á svið í kvöld en það voru Austur­bæjar­skóli, Réttar­holts­skóli, Ingunnar­skóli, Norð­linga­skóli, Selja­skóli og Breið­holts­skóli

Í kvöld komust Ingunnar­skóli með at­riðið Af hverju má ég ekki bara vera ég? og Selja­skóli með at­riðið Sköpun jarðar á­fram í úr­slit.

Á­tján grunn­skólar taka þátt í Skrekk í ár en átta þeirra munu keppa til úr­slita þann 15. mars. Undan­úr­slita­kvöldin verða sýnd í vef­út­sendingu á UngRÚV en úr­slita­kvöldið verður í beinni sjón­varps­út­sendingu á RÚV. Um 400 ung­lingar taka þátt í á frum­sömdum at­riðum sinna skóla og spreyta sig í leik­list, söng, dansi, hljóð­færa­leik, búninga­hönnun, förðun ljósum, hljóði og annarri sviðs­vinnu.

Dóm­nefnd í undan­úr­slitum skipa þau Logi Pedro Stefáns­son tón­listar­maður, Sigurður Andrean Sigur­geirs­son dansari, Rakel Björk Björns­dóttir leik­kona, Bryn­dís Gunn­laugs­dóttir frá Ung­menna­ráði Sam­fés og Sif Gunnars­dóttir, for­maður dóm­nefndar.

Fréttablaðið/Aðsend
Fréttablaðið/Aðsend