Pálína hefur verið tíður gestur í fjárhúsinu síðan hún byrjaði að ganga. Sem barn reyndi hún að hjálpa til og gera gagn í fjárhúsunum og í dag er hún ómissandi starfskraftur í sauðburði í Eystra-Geldingaholti.

,,Sauðburður vísar til þess þegar sauðkindur eignast lömb. Hann stendur yfir vormánuðina og fram í júní. Sauðburður er mjög annasamur tími fyrir sauðfjárbændur og þá er gott að fá alla þá aðstoð sem býðst. Þegar mest er að gera þarf fólk að skiptast á að borða og sofa, það er alltaf einhver í fjárhúsinu bæði dag og nótt," segir Pálína í viðtali við 66°Norður.

66nordur_palina-6429.jpg

Pálínu líður vel innan um kindurnar sínar.

Sauðburðurinn er tímabil sem mikið álag er á bændunum og nauðsynlegt að ávallt sé einhver á vaktinni allan sólarhringinn. ,,Þegar kindur fæða lömb þá er tala um að þær beri. Þó að flestar kindur geti borið án aðstoðar þá þurfa sumar þeirra hjálp við að koma lömbunum í heiminn. Þess vegna er mikilvægt að það sé alltaf einhver á vaktinni í fjárhúsunum til þess að hjálpa þeim sem hjálpa þarf. Sauðburður er skemmtilegur, erfiður og svefnlaus tími. Maður þarf að vaka á næturnar, kemst bara inn til að borða og hvíla sig í stutta stund í einu og ver meiri tíma í fjárhúsinu en heima hjá sér. Þetta er stanslaus vinna. Stundum er það rosalega erfitt, en þegar það gengur vel og þú bjargar lambi þá skiptir engu máli hversu marga klukkutíma þú svafst yfir nóttina.Það er ótrúlega gaman þegar sauðburður sameinar fólk og viðheldur vinaböndum, það er í raun stanslaus gestagangur allan sauðburðinn og margir koma til að létta undir með okkur. Sauðburður á vorin og réttir á haustin er bæði eitthvað sem dregur fólk til okkar og viðheldur fjölskyldutengslum. Það er ótrúlega dýrmætt," segir Pálína.

66nordur_palina-6484.jpg

Sveitalífið vinsælt á Instagram

Pálína heldur úti Instagram reikningnum @farmlifeiceland með tæplega 90 þúsundum fylgjendum. „Þetta byrjaði þannig að mér fannst ég vera að drekkja mínum eigin vinum í kindamyndum svo mig langaði að gera nýjan aðgang bara fyrir þetta. Ég bjóst ekki við miklu, en þetta fékk frábærar viðtökur og er búið að stækka miklu meira en ég bjóst við. Það er rosalega gaman að sýna fólki sveitalíf á Íslandi af því að í hugum flestra er þetta mjög framandi líf, þó að þetta sé bara daglegt brauð hjá mér. Þetta er raunveruleiki sem lang flestir þekkja alls ekki. Ég er að sýna frá mínu daglega lífi, eins hráu og sönnu og ég get komið því frá mér og fólk hefur gaman af því. Ég er alltaf jafn hissa þegar ég fæ spurningar frá fólki víðsvegar um heiminn um kindurnar mínar, hvar er Botna, er eitthvað að frétta af Sunnu og svo framvegis. Mér finnst magnað að fólk muni nöfnin á kindunum mínum og að fólki sé bara alls ekki sama, því langar að fylgjast með. Það er rosalega gaman að vera gluggi fólks inn í sveitina“.

66nordur_palina-5863.jpg

Það er ávallt nóg að gera í fjárhúsinu.

66nordur_palina-5934.jpg

Lömdin gleðja og eru nú farin að líta dagsins ljós.

66nordur_palina-6472.jpg