Lífið

Sam­band mynd­listar­manna hafnar Þrándi

Mynd­listar­manninum Þrándi Þórarins­syni hefur verið neitað um inn­göngu í Sam­band ís­lenskra mynd­listar­manna þar sem hann er ekki með BA-gráðu. Nám hjá Odd Ner­drum og ára­tugur með penslana á lofti dugir honum ekki.

Þrándur við opnun afmælissýningar sinnar fyrr í vetur þar sem verk hans rokseldust. Fréttablaðið/Ernir

Þrándur Þórarinsson hefur verið áberandi í íslensku myndlistarlífi undanfarin misseri og í raun er óhætt að tala um stjörnu í því sambandi enda njóta verk hans mikilla vinsælda.

Hann hefur helgað sig myndlistinni síðustu tíu ár en það nægir ekki til þess að fleyta honum inn í Samband íslenskra myndlistarmanna sem synjaði aðildarumsókn hans í gær.

„Ég sótti um aðild að SÍM, Sambandi íslenskra myndlistarmanna, skömmu fyrir jól en var tilkynnt í gær að ég uppfylli ekki skilyrði sambandsins,“ segir Þrándur í samtali við Fréttablaðið og bætir við að hann haldi þó ró sinni og finnist varla orð á þessu gerandi.

Sjá einnig: Þrándur gerir „Klausturfokkið“ ódauðlegt á striga

„Leiðin inn í sambandið er öllum sem hafa lokið þriggja ára BA-námi í myndlist greið en það á ekki við mig þar sem ég droppaði út úr LHÍ á sínum tíma og gerðist þess í stað lærlingur Odds Nerdrum,“ heldur Þrándur áfram.

Þrándur sækir innblástur í þjóðsögur, goðsagnir og dægurmenningu samtímans eins og þessi magnaða þrenna hans; krókódílamaður Megasar, Grýla og demónísk IKEA-geitin bera fagurt vitni. Samsett/Þrándur

„Meistarinn minn er ekki opinber stofnun, eins og gefur að skilja, öngva hlaut ég diplómuna hjá honum. Hvað þá BA-próf,“ segir Þrándur og bætir við að þar fyrir utan teljist honum heldur ekki til tekna hjá SÍM að hafa alfarið helgað sig myndlistinni síðasta áratuginn.

Öll sund lokuð

Þrándur nefnir nokkur önnur skilyrði fyrir aðild að SÍM en segist ekki uppfylla neitt þeirra. „Sambandið er einnig opið þeim sem uppfylla tiltekin skilyrði eins og að hafa fengið listamannalaun, opinbera styrki, haldið einkasýningar á opinberum sýningarstöðum eða hafa selt opinberum söfnum verk sín. Þar sem ekkert af þessu hefur komið til framkvæmda í mínu tilviki telst ég einfaldlega ekki gjaldgengur.“

Sjá einnig: Þórarinn í IKEA féll fyrir málverki af logandi geit

Þrándur segir að í fljótu bragði sýnist honum þetta vera „svona tölvan segir nei“ dæmi. „Þeim er víst ekkert lítið annt um reglurnar sínar þarna í sambandinu en ég vildi bara vera myndlistarmaður með myndlistarmönnum. En ég verð víst fyrst að klára skólann,“ segir myndlistarmaðurinn útlægi háðskur.

Athugasemdir

Auglýsing
Auglýsing

Tengdar fréttir

Menning

Mynd­list Þrándar ausin lofi í Dan­mörku

Menning

Þrándur gerir „Klaustur­fokkið“ ó­dauð­legt á striga

Lífið

Þrándur treður Bjarna Ben í ná­brækur

Auglýsing

Nýjast

Friðrik Ómar fyrstur og Hatari síðastur

Eins og að klífa hæstu tinda heims

Margt er gott að glíma við

Konudagurinn, dagurinn hennar!

Leið eins og elti­hrelli

Freistandi konudagsréttir

Auglýsing