At­hafna­maðurinn Helgi Ómars­son hefur á einum degi tekist að safna yfir fjögur hundruð þúsund krónum fyrir Sönnum gjöfum Unicef. „Það er alveg klikkað hvernig þetta hefur þróast í dag og ég sver að ég fari að grenja ef þetta næst,“ segir Helgi spenntur í sam­tali við Frétta­blaðið.

Núna eða aldrei

„Ég er pínu fyndin týpa annað­hvort geri ég hlutina strax eða aldrei.“ Hug­myndin af söfnuninni kviknaði í gær og var síðan hrundið af stað í dag. Upp­haf­legt mark­mið Helga var að safna fyrir neyð­tjaldi sem veitir börnum skjól í erfiðum að­stæðum. Tjaldið kostar 158 þúsund krónur en Helgi hafði að eigin sögn alls ekki gert ráð fyrir að hann næði því mark­miði.

„Ég var búin að leggja pening til hliðar og gera ráð fyrir að borga upp í tjaldið.“ Þá hafði hann einnig haft sam­band við for­eldra sína til að at­huga hvort þau gætu brúað mögu­legt bil til að festa kaup í neyðar­tjaldi. „Ég spurði þau hvort það gæti talist sem mín jóla­gjöf í ár.“

Á svæðum þar sem hamfarir hafa orðið eða stríð geisa geta neyðartjöld líkt og þetta nýst meðal annars sem heilsugæslur, bráðabirgðaskólar eða barnvæn svæði.
Mynd/Unicef

Endaði skælandi á að­fanga­dag

Þetta er ekki í fyrsta skipti sem Sannar gjafir eru á jóla­óska­lista Helga en hann fékk nánast ein­göngu slíkar gjafir í fyrra. „Ég endaði bara skælandi á að­fanga­dag og svo ó­trú­lega glaður með að þetta hafði undið svona upp á sig.“

Helgi lýsir því að hann hafi lent í á­kveðinni jóla­krísu árið áður þar sem hann varð jóla­kvíðanum að bráð og það reyndist honum erfitt að á­kveða hverjum ætti að gefa gjafir og hvað þau áttu að fá. „Ég held að margir kannist við að svona á­hyggjur heltaki mann fyrir jólin.“

Þetta leiddi til þess að síðustu jól gaf hann öðru­vísi gjafir. „Ég gaf öllum börnum vina minna sannar gjafir, þannig að þau fengu öll gjafir í sínu nafni á borð við hreint vatn og hlý föt.“ Þessi jólin breyttist sýn Helga á jóla­gjafir. „Ég fann bara þarna að allt í einu fóru gjafir að hafa ein­hverja þýðingu fyrir mér.“

Uppáhalds gjafir Helga eru þær sem gefa til baka.
Mynd/Aðsend

Biðlaði til fylgj­enda sinna

Í ár datt Helga síðan í hug að ganga skrefinu lengra og fá stóran fylgj­enda­hóp sinn í lið með sér. „Ég reiknaði að ef 158 manns gæfu þúsund krónur þá myndi þetta nást.“ Það hafi verið mjög til­finninga­þrungið að sjá hversu margir hafi síðan lagt mál­staðnum lið. „Ég held að við höfum endað á því að ná tak­markinu á tveimur tímum.“

Söfnunin er núna komin upp í 418 þúsund og hefur Helgi á­kveðið að restin af peningunum fari í þær gjafir sem mikil þörf er á. „Það er mest þörf á hlýjum fötum, jarð­hnetu­mauki og vatns­hreinsi­töflum, ef að við myndum nota af­ganginn í vatn­hreinsunar­töflur þá myndum við ná að hreinsa tvo milljón lítra af vatni,“ segir Helgi hreykin.

„Ég er búin að skrifa lista af öllum þeim sem hafa lögðu til peninga fyrir þessu og þau fá öll sér­stakar þakkir frá Unicef.“ Helgi heldur úti bloggi á Trend­net.is þar sem hann hyggst einnig birta lista með nöfnum á öllum þeim sem tóku þátt í að styrkja mál­efnið til að sýna þakk­læti sitt.

„Ég er í smá svona losti út af þessi og ef ég þekki sjálfan mig rétt þá er ég að fara að grenja í kvöld,“ bætir hann snortin við.

,,Ef ég þekki sjálfan mig rétt þá er ég að fara að grenja í kvöld,“ segir Helgi snotrinn.
Mynd/Aðsend

Á­kall til fyrir­tækja

Helgi segir hópinn sem er að gefa að mestu leiti saman­standa af ung­mennum og fólki í lág­launa­störfum. „Það er auð­vitað yndis­legt en ég myndi vilja sjá þau sem hafa meira á milli handanna hjálpa þeim sem minni mega sín.“ Þar eigi hann sér­stak­lega við fyrir­tæki.

„Það er bara eitt pínu­lítið fyrir­tæki á Seyðis­firði búið að taka þátt svo ég kallaði eftir því í dag að fleiri tækju þátt.“ Hann vonar að á síðustu metrunum muni ein­hver fyrir­tæki taka við sér. „Það væri alveg frá­bær ef að þeir sem eru að selja í jóla­t­rafíkinni myndu að­stoða okkur að gefa til baka.“

Það kom honum sjálfum á ó­vart hvað það veitti honum mikla gleði að geta gert svona. „Maður á alltaf að fylgja hjartanu, það er það sem getur okkur inni­lega á­nægju. Það á jafn­vel enn meira við þegar maður hjálpar öðrum.“ Helgi mælir ein­dregið með að allir kynni sér söfnunina á Instagram reikningi hans, helgiomarsson, og leggi honum og Unicef lið.

Reikningur: 0123 26 001064
Kennitala: 030691-3189