Lífið

Rúss­neskur hakkari yfir­tók Insta­gram Óttars Norð­fjörð

Rúss­neskur tölvu­skúrkur yfir­tók Insta­gram-reikning rit­höfundarins Óttars M Norð­fjörð í síðustu viku, henti honum út og skipti prófíl­mynd hans út fyrir fá­klædda konu. Um rit­höfundinn fer „pútínskur hrollur.“

Óttar Norðfjörð biður þá sem hafa elt hann á Instagram um að hætta því snarlega þar sem reikningur hans er í herkví hakkara sem misnotar nafn hans í gríð og erg.

Rithöfundurinn Óttar M Norðfjörð missti í síðustu viku öll tök og yfirráð yfir Instagram-reikningi sínum þegar rússneskur hakkari tók hann herskildi, lokaði á Óttar, setti mynd af fáklæddri konu í prófílin í stað myndar af rithöfundinum og er byrjaður að nota nafn Óttars á Instagram til þess að dæla út ruslpósti á þá sem fylgja honum á Instagram.

Óttar biður á Facebook þá sem hafa fylgt honum á Instagram undir notendanafninu @ottarnordfjord um að slíta tafarlaust á þau tengsl um leið og hann biður fólk afsökunar á ónæðinu sem tölvuþrjóturinn hefur valdið því.

Óttar biður þá sem hafa fylgt honum á Instagram um að yfirgefa samkvæmið sem er orðið að skálkaskjóli tölvuþrjóts.

„Rússarnir gera þetta víst, safna reikningum, til að geta spammað vini manns með vírusum,“ segir Óttar í samtali við Fréttablaðið og bætir við að einhvern fjárhagslegan ávinning sjái þrjótarnir sér líka í þessu þar sem þeir notu gervireikninga til þess að kynna vörur á vefsíðum. „Eða eitthvað þannig. Ég náði þessu ekki alveg.“

Óttar segist síðustu daga hafa reynt árangurslaust að fá hjálp hjá Instagram. „Ég fæ bara svör frá róbótum sem hafa ekki getað hjálpað mér neitt svo ég ákvað bara að hætta með þennan reikning. Stökkva frá sökkvandi skipi.“

Fyrir utan ónæðið af þessari yfirtöku á persónu hans á Instagram glatar Óttar einhverju af ljósmyndum sem höfðu safnast upp hjá honum á reikningnum. „Ég tapa væntanlega einhverjum myndum en á aðrar enn,“ segir hann og harmar að þurfa að snúa baki við Instagram-reikningnum sem hann hefur notað eins og dagbók síðustu fjögur ár.

Rússneski hakkarinn dregur ekki beint upp þá mynd sem Óttar Norðfjörð vill hafa af sér á netinu.

Hann segist þó hafa tekið skjáskot af færslum sínum í gegnum reikning konunnar sinnar og ætlar að færa þær yfir á nýjan reikning þar sem hann ætlar að huga betur að öryggismálum.

„Þetta er líka mér að kenna. Ég hefði átt að hafa þetta öruggara en það góða við þetta er að ég er búinn að uppfæra þessa hluti hjá mér alls staðar. Á samfélagsmiðlum, í tölvu, síma og svo framvegis.

Þannig að það kom kannski eitthvað gott úr þessu og ég mæli með að fólk geri slíkt hið sama vegna þess að þessum hakkaramálum á bara eftir að fjölga.“

Athugasemdir

Auglýsing
Auglýsing

Tengdar fréttir

Kynningar

Charging Center One hleðslustöð

Lífið

Katrín Tanja selur miðbæjarslotið

Lífið

Fimmtugur forstjóri á fljúgandi ferð

Auglýsing

Nýjast

Katrín Tanja selur 70 milljóna króna íbúð í Skugganum

Björn Leifsson veiddi „World Class“ fisk

Hrókurinn gerði gott gleði­mót á norður­hjara veraldar

Erfið barátta við krabbamein

Líkamsrækt og hlaup

tetesept á Íslandi

Auglýsing