Hátt á annað hundrað manns voru viðstödd opnunina og við erum í skýjunum,“ segir Bryndís Reynisdóttir, menningarmálafulltrúi á Djúpavogi, um sýninguna Rúllandi snjóbolta / 12. Hún segir forkólfana Ineke og Sigurð Guðmundsson myndlistarmann og starfsfólk Chinese European Art Center (CEAC) hafa unnið baki brotnu að uppsetningu hennar, ásamt Þór Vigfússyni listamanni. Svo taka allir bæjarbúar taka þátt, starfsfólk sveitarfélagsins, börnin í bæjarvinnunni, kvenfélagskonurnar … það leggjast allir á eitt við að gera þennan dag sem glæsilegastan.“

Kristján Guðmundsson og verkið hans.

Alls taka 24 listamenn frá Íslandi, öðrum Evrópulöndum og Asíu þátt í sýningunni sem er skipulögð af CEAC og er samstarfsverkefni þeirrar stofnunar og Djúpavogshrepps. Hún er meðal stærstu samtímalistsýninga á Íslandi. Spurð hvort eitthvert verk þar veki athygli umfram annað svarar Bryndís: „Það er erfitt að velja eitthvað eitt, þau eru hvert öðru glæsilegra og vekja öll athygli og umræðu.“

Guðrún Benediktsdóttir er höfundur þessa verks.

Bryndís segir sýninguna opna alla daga til 8. ágúst frá 11-16 og eflaust eigi margir eftir að koma þar við enda ókeypis inn. „Hér er mikið rennerí ferðamanna og Bræðslan er við smábátabryggjuna eins og eggin hans Sigurðar Guðmundssonar. Við höfum ekki nákvæmar tölur um fjölda gesta síðustu ár en viljum meina að um 8.000 manns hafi séð sýningarnar.“

Nick Renshaw er maðurinn bak við þetta verk.