Mikið vatn hefur runnið til sjávar síðan þá enda hefur Stewart komið fram og leikið aðalhlutverk í fjölda kvikmynda síðan síðasta Twilightkvikmyndin kom út 2012.

Árið 2019 kom Kristen fram sem leikkonan Jean Seberg í kvikmyndinni Seberg. Þótt kvikmyndin hafi fengið misgóða dóma voru gagnrýnendur flestir sammála um að Stewart hafi sýnt meistaratakta í hlutverkinu. Þá kom fram í apríl síðastliðnum að Kristen Stewart myndi leika ásamt Léa Seydoux og Viggo Mortensen í vísindatryllinum Crimes of the Future úr smiðju David Cronenberg.

Rokk og rómantík

Stewart hefur víða vakið mikla athygli fyrir einstaklega smart og oft rokkaralegan stíl og virðist upp á síðkastið hafa tekið upp rómantískari hliðar. Rokkið er þó sjaldan langt undan eins og sést á myndunum.

Kristen klæddist þessu rómantíska dressi, þó með rokkabillýívafi, á Met-galakvöldinu þann 13. september síðastliðinn.
Getty
Kristen var rómantísk á frumsýningu í Feneyjum í september. Dressið minnir á Lísu í Undralandi með myrkum undirtón.
Getty

Tvíkynhneigðir eru ekki ringlaðir. Það er ekkert ruglingslegt við það. Fyrir mér er það algerlega skýrt.

Talsmaður LBGT+

Stewart býr í Los Angeles og árið 2017 kom hún út úr skápnum sem tvíkynhneigð. Um kynhneigð sagði hún, eins og frægt er orðið: „Tvíkynhneigðir eru ekki ringlaðir. Það er ekkert ruglingslegt við það. Fyrir mér er það algerlega skýrt.“ Þá hefur hún sagt að sér hafi verið ráðlagt að ræða ekki eða sýna kynhneigð sína opinberlega, þar sem það gæti haft áhrif á val hennar í hlutverk. Um það segir hún að hún hafi ekki áhuga á að vinna með fólki sem lætur það fara fyrir brjóstið á sér.

Hér er Stewart á frumsýningu Charlie’s Angels í nóvember 2019 í rokkuðu diskódressi.
Getty