Lífið

Robbie Willams syngur HM til leiks

Opnunarhátíð HM verður í Moskvu á fimmtudaginn, en þá hefst heimsins mesta knattspyrnuveisla.

Söngvarinn Robbie Willams syngur á opnunarhátíð HM sem hefst fimmtudaginn 14. júní í Moskvu. Fréttablaðið/Getty

Heimsmeistaramótið í knattspyrnu hefst í Moskvu fimmtudaginn 14. júní, mikil spenna er fyrir opnunarhátíðinni og búast menn við því að gestgjafarnir bjóði upp á sýningu á heimsmælikvarða.

Dagskrá hátíðarinnar hefur ekki verið birt, en samkvæmt frétt BBC þá mun söngvarinn Robbie Willams stíga á svið hálftíma fyrir opnunarleik Rússlands og Sádi – Arabíu sem fer fram á Luzhinki leikvanginum í Moskvu. 

Rokkarinn verður ekki einn á sviðinu því rússneska sópransöngkonan Aida Garifullina verður söngvaranum til halds og trausts, en hún er ein skærasta óperustjarna Rússa í dag.

Margir undrast þá ákvörðun að leyfa Robbie að koma fram af þessu tilefni því hann móðgaði land og þjóð nokkuð hressilega fyrir tveimur árum þegar lag hans Party Like A Russian fór í spilun. 

Texti lagsins fjallaði um hegðun nýríkra Rússa og var sagður ádeila á yfirgengilegan lífsstíl þeirra og viðhorf til peninga. Lagið féll ekki í kramið í Kreml en þar á bæ þótti textinn móðgandi og sagður draga upp ranga mynd af rússneskri þjóð. 

Sú móðgun risti augljóslega ekki djúpt þar sem Robbie Willams mun telja niður í fyrsta leik með söng sínum og verður Vladimír Pútín á meðal áhorfenda. 

Athugasemdir

Auglýsing
Auglýsing

Tengdar fréttir

Fólk

Brúðkaupsferð í Veiðivötn

Menning

Nýja og gamla Ísland á tónleikum í Hörpu

Lífið

Hljóðmaður Guns N' Roses endaði óvænt á Bræðslunni

Auglýsing

Nýjast

Sam­einuð á 40 ára af­mæli Grea­se

Mega afmæli Dominos í dag

Litríkt og mynstrað haust í Comma

Rakel Ósk bjargaði geð­heilsunni með pönkljóð­list

Glæný og fersk vörumerki í Brandtex

Söngdívan Aretha Franklin er látin

Auglýsing