Ragn­ar Jónas­son, lög­fræðing­ur og met­sölu­rit­höf­und­ur, og eig­in­kona hans, María Mar­grét Jó­hanns­dótt­ir blaðamaður, hafa fest kaup á ævintýralegu einbýlishúsi við Sólvallagötu. Þau eru ekki að flytja langt en þau settu hæð sína á Sólvallagötu á sölu í september.

María Margrét greinir frá þessu á Facebook.

Húsið er ævintýralegt en það minnir einna helst á lítinn kastala. Það var sett á sölu í lok ágúst en fasteignmat hússins var tæpar 130 milljónir króna. Kjar­neplið ehf. sem er í eigu Sturlu Míós Þóris­son­ar var áður eigandi hússins.

Ragnar hefur notið mikillar velgengni sem rithöfundur en bækur hans hafa selst í um tveimur milljónum eintaka á heimsvísu. Þær hafa verið gefnar út í um það bil 40 löndum á 27 tungumálum. Auk þess hefur Ragnar unnið til fjölda verðlauna en Mistur var valin glæpasaga ársins í Bretlandi (e. Mystery Book of the Year) árið 2020.