Jeff Bezos, stofnandi Amazon, stendur nú í skilnaði við eiginkonu sína til 25 ára, rithöfundinn MacKenzie. Bezos er ríkasti maður í heimi.

Fólkið sendi frá sér sameiginlega yfirlýsingu á Twitter. Þar kemur fram að þau hafi ákveðið þetta í sameiningu og að þau muni áfram verða vinir. „Við vorum mjög heppin að finna hvort annað og innlega þakklát fyrir þau ár sem við höfum verið gift. Við myndum gera þetta aftur frá byrjun, þó við hefðum vitað að við myndum skilja eftir 25 ár.“

Bezos er 54 ára en MacKenzie 48. Þau tóku saman áður en Amazon var stofnað. Auðæfi Bezos eru metin á 137 milljarða dollara, eða um sextán þúsund milljarða króna. Ekkert hefur komið fram um hvort hjónin hafi komist að samkomulagi um skiptingu auðæfanna.

Þeim varð fjögurra barna auðið.