Menning

Þrándur gerir „Klaustur­fokkið“ ó­dauð­legt á striga

Mynd­listar­maðurinn Þrándur Þórarins­son hefur brugðist við fjölda á­skoranna og fært al­ræmda sam­drykkju þing­mannanna sex á Klaustur á striga eins og honum einum er lagið. Verkið kallar hann „Klaustur­fokk“ og vonar að hug­takið festist í tungu­málinu.

Þrándur var ekki lengi að töfra fram kynósa og táknum hlaðið málverk af „Klausturfokki“ þingmannanna sex. Takið eftir dularfullri veru sem fylgist með úr fjarska en þar er kominn hvunndagshetjan Marvin 42.

Einhver skærasta stjarna íslensks myndlistarlífs, Þrándur Þórarinsson, hefur brugðist við fjölda áskorana og málað mynd á sinn sérstaka hátt, innblásinn af alræmdri og afdrifaríkri samdrykkju sex þingmanna Miðflokksins og Flokks fólksins á Klaustur bar síðla í nóvember.

„Ég þurfti lítið sem ekkert að hafa fyrir því að fella senuna að mínum myndheimi, þar sem þessi óviðkunnanlegi munnsöfnuður og andlegi vesældómur birtist okkur úr klaustri. Þetta féll eins og flís við rass, “ segir Þrándur í samtali við Fréttablaðið.

„Annars held ég þetta sé örugglega fyrst myndin sem ég mála vegna það sem kallað er „fjölda áskoranna.“ Fólk sem ég hef hitt að máli hefur mikið spurt hvort þetta atvik sé ekki efni í mynd. Ég gat ekki skorast undan þessu.“


Þrándur málaði Klausturfokk vegna fjölda áskoranna og verður með myndina til sýnis í Gallerí Port á Laugavegi 23 á morgun. Mynd/Þrándur

Myndina nefnir Þrándur „Klausturfokk“ og hún verður til sýnis í Gallerí Port á Laugavegi 23 á morgun, laugardag. „Það hefur lengi skort íslenskt hugtak yfir „clusterfuck“ og ef Guð lofar festist „klausturfokk“ í málinu.

Þrándur sækir innblástur í ýmsar áttir, til dæmis í við­skiptalífið, þjóðsögur og dægurmenninguna eins og myndir hans af Nábrókar Bjarna, brennandi IKEA-geitinni, Krókódílamanni Megasar bera augljóst vitni. Að ógleymdri henni Grýlu.

Þrándur lærði hjá norska ólíkindatólinu og myndlistarmanninnum Odd Nerdrum og óhætt er að segja að áhrifa lærimeistarans séu áberandi í kynósa klaustursmyndinni af þingmönnunum sex.

Athugasemdir

Auglýsing
Auglýsing

Tengdar fréttir

Innlent

Ná­brókar-Bjarni fáan­legur á tæpar 10.000 krónur

Myndlist

Ikea-geitin stendur enn en brennur á málverki

Lífið

Þrándur treður Bjarna Ben í ná­brækur

Auglýsing

Nýjast

„Ég hef grátbeðið hana að svara símanum“

Með heiftarlegt ofnæmi fyrir kulda

Bókar­kafli: Geð­veikt með köflum

Arna Ýr og Vignir fjölga mann­kyninu

Kom nakinn fram hjá Gísla Marteini

Ótrúleg saga Vivian Maier

Auglýsing