Fjölmiðlakonan Ragnhildur Steinunn Jónsdóttir, sem gegnt hefur starfi aðstoðardagskrárstjóra sjónvarps hjá RÚV undanfarin fjögur ár, hefur verið óskað eftir því að vera leyst undan þeim skyldum.

Þetta kemur fram í færslu sem Ragnhildur Steinunn birti á Facebook-síðu sinni nú eftir hádegið. Ætlar Ragnhildur að skella sér aftur af fullum krafti í dagskrárgerð hjá RÚV.

„Þetta hefur verið lærdómsríkur, krefjandi og skemmtilegur tími. Takk fyrir mig. Það er öllum hollt að staldra við endrum og eins, endurmeta stöðuna, gildin sín og finna hvar hjartað slær,“ segir hún og bætir við:

„Á þessum tímapunkti er löngunin til að koma beint að þáttagerð og framleiðslu efnis ríkari en að sinna alhliða dagskrártengdum málefnum. Ég ætla því að demba mér aftur af fullum krafti í dagskrárgerð hjá RÚV. Hlakka til að leggja áfram mitt af mörkum til að búa til fjölbreytt og gott sjónvarpsefni. Sjáumst!“