Fólk

Prjónað í fánalitunum

Vinkonurnar Magga Gísla og Brynja Bergsveinsdóttir eiga heiðurinn að fögru sjali sem hefur vakið mikla athygli en það er í íslensku fánalitunum.

Íslenska karlalandsliðið veitti þeim stöllum innblástur að sjalinu.

Heimsmeistaramótið í knattspyrnu sem fer fram í Rússlandi í næsta mánuði veitti þeim Möggu Gísla og Brynju Bergsveinsdóttur innblásturinn að sjalinu en það minnir eilítið á íslenska fánann. „Við vinkonurnar erum ekki miklar áhugakonur um fótbolta en engu að síður fengum við hugmyndina að þessu sjali vegna góðs gengis íslenska karlalandsliðsins í fótbolta þessa dagana,“ segir Magga brosandi.

„Eins og allir vita er þetta í fyrsta sinn í sögunni sem liðið tekur þátt í Heimsmeistaramótinu í fótbolta og út frá því ákváðum við að nota íslensku fánalitina. Það tók smá tíma að þróa uppskriftina til að fá rétta formið á sjalið og við spáðum mikið og spekúleruðum í litunum til að það minnti á íslenska fánann en væri um leið smekklegt og klæðilegt. Hugmyndin er í raun mín en Brynja prjónaði sjalið. Ég fékk það síðan í hendurnar og gerði lokateikningu svo hægt væri að prenta hana út. Sjalið hefur þegar vakið töluverða athygli en það heitir Áfram Ísland! og má fá uppskriftina að því á prjónauppskriftavefnum www.ravelry.com gegn vægu gjaldi,“ greinir Magga frá.

Síðustu dagar annasamir

Eflaust eiga margir eftir að taka fram prjónana og töfra fram sjalið en Magga segir gaman að skarta því á landsleikjum og ekki síður við hátíðleg tækifæri á borð við þjóðhátíðardaginn 17. júní og á fullveldisdaginn 1. desember. „Síðustu dagar hafa óneitanlega verið annasamir því við vildum koma sjalinu frá okkur í tíma svo fólk hefði tækifæri til að prjóna það áður en heimsmeistarakeppnin hefst,“ segir Magga en hún telur að það ætti ekki að taka meira en viku að prjóna eitt sjal, þar sem uppskriftin sé tiltölulega einföld.

Prjónað á Spáni

Þær vinkonurnar eru báðar búsettar á Spáni og hafa mikinn áhuga á handavinnu. „Prjónaáhuginn hefur fylgt mér alla tíð og sama má segja um Brynju. Ég var ekki nema níu ára þegar ég lærði að fitja upp. Ég hef tekið tímabil þar sem ég prjóna mikið en tek mér pásur inn á milli. Ég hef teiknað upp mynstur að sjölum og einnig prjónamynstur fyrir lopapeysur,“ segir Magga.

Þær stöllur eru ánægðar með þær viðtökur sem sjalið fagra hefur fengið og vonast auðvitað til að sjá sem flesta með það á þeim landsleikjum sem fram undan eru. „Það væri gaman að sjá áhorfendur með sjalið á leikjunum í Rússlandi,“ segir Magga að lokum.

Uppskriftina má fá á vefnum: https://www.ravelry.com/patter...

Magga segir að gaman væri að sjá einhverja áhorfendur skarta sjalinu á heimsmeistaramótinu í Rússlandi.
Brynja og Magga eru búsettar á Spáni en þær eru miklar prjónakonur.

Athugasemdir

Auglýsing
Auglýsing

Tengdar fréttir

Fólk

Ferskt og gott salat

Fólk

Sætt og svalandi

Fólk

Geri ekkert sem ég vil ekki gera

Auglýsing

Nýjast

Framandi og kunnug­legt í bland í Skeifunni

Séra Davíð Þór pönkast á Piu í svína­stíu

Harðkjarni og hiphop í portinu á Prikinu

Riðu berbakt í sveitinni

Vin­konur sem hafa fylgst að í tölvu­leikja­bransa í tólf ár

Dagur B. glímir við veikindi

Auglýsing