Lífið

Palin hellir sér yfir Cohen eftir við­tals­hrekk

Sarah Palin vandar gaman­leikaranum Sacha Baron Cohen ekki kveðjurnar eftir nýtt upp­á­tæki þess síðar­nefnda. Boðaði hann Palin í þátt fyrir seríu sem hann fram­leiðir um þessar mundir og hafði hana að fífli í dular­gervi upp­gjafa­her­manns í hjóla­stól. Palin segir Cohen að skammast sín.

Palin er öskureið út í Cohen. Fréttablaðið/Getty

Sarah Palin, fyrrverandi varaforsetaframbjóðandi og ríkisstjóri í Alaska, vandar leikaranum Sacha Baron Cohen ekki kveðjurnar eftir uppátæki þess síðarnefnda á dögunum. „Já, við vorum göbbuð. Þú náðir mér, Sacha. Líður þér betur?“ skrifar Palin á Facebook-síðu sína.

Gremju Palin má rekja til þess þegar Cohen fékk Palin í viðtal en hann þóttist þar vera uppgjafahermaður í dramatískri heimildamynd. Þegar Palin settist niður blasti við henni Cohen í dulargervi hermannsins í hjólastól.

„Ég sat í gegnum langt „viðtal“ af svívirðingum og kaldhæðni þar til ég fékk að lokum nóg, fjarlægði hljóðnemann og gekk út - honum til mikilla skaprauna,“ skrifa Palin enn fremur.

Palin hefur nú bæst í hóp þeirra fjölmargra stjórnmálamanna og stórstjarna sem orðið hafa fyrir barðinu á gríni Cohens, en hann hefur til að mynda leikið kasakska fréttamanninn Borat Sagdiyev og Ali G.

„Þú mátt hæðast að stjórnmálamönnum og opinberum einstaklingum eins og þú vilt ef það sefar áhyggjur þínar en EKKI VOGA ÞÉR að gera grín að þeim sem þjónað hafa landi og þjóð. Viðbjóðslegt,“ skrifar Palin öskureið út í Cohen.

Mikil eftirvænting er fyrir þáttum Cohen en hann birti stutta stiklu um daginn. Þar má sjá að honum hefur tekist, með einhverjum óskiljanlegum hætti, að fá Dick Cheney, fyrrverandi varaforseta Bandaríkjanna, að árita búnað sem notaður er til vatnspyndinga (e. waterboarding). Bandaríkjamenn sættu harðri gagnrýni úr alþjóðasamfélaginu fyrir slíkar pyndingar í tengslum við innrásirnar í Írak og Afganistan, þegar George W. Bush var forseti og Cheney hans hægri hönd.

Þættirnir, Who Is America?, verða frumsýndir í Bandaríkjunum á sunnudag og hefur áhorfendum verið lofað taumlausri skemmtun.

Athugasemdir

Auglýsing
Auglýsing

Tengdar fréttir

Lífið

Lýtaaðgerðirnar voru mistök

Lífið

María Rut og Ingileif selja; „Fyrsta íbúðin okkar saman“

Lífið

Biggi í Dimmu hvetur til snið­­göngu Euro­vision

Auglýsing

Nýjast

Draumahöll Huldu í Módern til sölu

Góð ráð: Hvernig búa skal bílinn undir veturinn

Fataskápur afa breytti öllu

Hreyfingin hjálpar gegn tímaruglinu

Kona fer í stríð fram­lag Ís­lands til Óskars­verð­launa

Ed Sheeran með tónleika á Íslandi

Auglýsing