Kynningar

Öllum er mikilvægt að vinna

Múlalundur vinnustofa SÍBS býður fyrirtækjum og einstaklingum allt fyrir skrifstofuna og skapar um leið tækifæri fyrir fólk með skerta starfsorku til að leggja sitt af mörkum til atvinnulífsins. Úrval og verð kemur þægilega á óvart.

Sigurður Viktor Úlfarsson er framkvæmdastjóri Múlalundar vinnustofu SÍBS við Reykjalund. Hann segir einfalt samfélagsverkefni að fyrirtæki styðji við atvinnusköpun fatlaðra. MYND/VALLI

Á Múlalundi fást allar almennar skrifstofuvörur á einum stað, pappír og ritföng. Við segjum stundum að þetta sé einfaldasta samfélagsverkefnið, að panta skrifstofuvörur frá Múlalundi, sem hvort eð er þarf að kaupa, og fá þær sendar daginn eftir,“ segir Sigurður Viktor Úlfarsson, framkvæmdastjóri Múlalundar vinnustofu SÍBS.

Á Múlalundi starfa dugmiklir einstaklingar sem kjölfar slyss eða heilsubrests hafa þurft að takast á við andlegar og líkamlegar fatlanir og veikindi.

„Það er sannarlega ánægjulegt þegar fyrirtæki flétta samfélagslegu verkefni saman við eigin daglega rekstur með því að kaupa skrifstofuvörurnar af Múlalundi. Með því fá þau gæðavörur og þjónustu sem aftur styður starfsfólk Múlalundar í að byggja upp sjálfstraust og þrótt með virkri þátttöku á vinnumarkaði. Fólki er enda mjög mikilvægt að fá að mæta til vinnu, eiga vinnufélaga og vera virkt í samfélaginu,“ segir Sigurður.

Vinsæl vefverslun

Á heimasíðunni mulalundur.is er rekin stór og vinsæl vefverslun.

„Þar geta viðskiptavinir valið úr glæsilegu úrvali skrifstofuvara, og bæði verð og úrval koma ánægjulega á óvart. Einfalt er að versla á netinu og við sendum vörurnar strax daginn eftir,“ upplýsir Sigurður. Fari pöntun yfir 16.000 krónur er frí heimsending um land allt, en fyrir lægri pantanir er lágt sendingargjald.

Pennar, pappír og dagbækur

Múlalundur selur allt sem hugsast getur fyrir skrifstofuna.

„Verðin hjá okkur eru vel samkeppnishæf og oftar en ekki erum við ódýrari en aðrir,“ upplýsir Sigurður. Hann segir misskilnings gæta um að Múlalundur selji einungis eigin framleiðsluvörur, svo sem möppur og plastvasa, en þar sé einnig boðið upp á pappír, penna, töflutúss, löggiltan skjalapappír og allt mögulegt annað fyrir skrifstofuna. Hægt er að fá fjölbreytt úrval penna frá BIC, Milan, Pentel Energel og mörgum fleirum.

„Á haustin býður Múlalundur landsins mesta úrval af dagbókum. Þeir sem vilja geta látið gylla eða þrykkja nöfn og fyrirtækjamerki í dagbækurnar og skapað með því vinnu í leiðinni,” útskýrir Sigurður.„Margir kjósa að kaupa allar sínar skrifstofuvörur hjá Múlalundi og það styrkir okkur mikið í starfi, enda þarf ekki að fara lengra en á Múlalund eftir almennum skrifstofuvörum,“ segir Sigurður.

Röð og regla með Egla

Egla-bréfabindi og -möppur hafa fyrir löngu fest sig í sessi í íslensku atvinnulífi.

„Hér innanhúss segjum við gjarnan: „Röð og regla með Egla“,“ segir Sigurður og brosir.

„Við seljum líka tímaritabox sem líta út eins og Egla-möppur og eru hugsuð fyrir skýrslur og gögn sem ekki er hægt að gata. Með þeim er snyrtilegt að horfa yfir hillur skrifstofunnar með allt í stíl,“ segir Sigurður.

„Fyrirtæki geyma gjarnan gögn í möppum um ákveðinn tíma en færa þau svo yfir í skjalakassa til að endurnýta möppurnar. Við bjóðum vitaskuld upp á allar þessar lausnir og gott betur, en Egla og fleiri vörur Múlalundar fást í öllum helstu ritfangaverslunum,“ segir Sigurður en Egla er íslenskt heiti og sækir uppruna sinn í Egils sögu Skallagrímssonar.

Starfsmannaskírteini og innri markaðssetning

Múlalundur býður upp á barmmerki og hálsbönd fyrir starfsmannaskírteini, fundi og ráðstefnur. Þau eru ýmist framleidd af starfsfólki Múlalundar eða innflutt.

„Í dag merkja sífellt fleiri fyrirtæki starfsfólk sitt og þá henta barmmerki og hálsbönd vel. Þau fást í fjölmörgum litum og eru búin sérstakri öryggislæsingu sem opnast sjálfkrafa þegar rykkt er í böndin,“ útskýrir Sigurður.

Múlalundur framleiðir einnig músamottur sem eru vinsælar hjá fyrirtækjum til innri og ytri markaðssetningar.

„Á motturnar eru þá prentuð skilaboð til starfsmanna tengd verkferlum, gæðastöðlum, sameiginlegum markmiðum eða átaksverkefnum sem starfsmenn hafa svo við höndina í dagsins önn í orðsins fyllstu merkingu,“ segir Sigurður.

Verum vandlát á plast

Margar af vörum Múlalundar eru framleiddar úr plasti og leggur Sigurður áherslu á að fólk sé vandlátt þegar kemur að kaupum á plastvörum.

„Mikilvægt er að plastvörurnar uppfylli evrópska staðla um hreinleika, þær séu endingargóðar, sem mest endurunnar og framleiddar sem næst notkunarstað til að lágmarka skaðleg áhrif á umhverfið.“

Plastið sem Múlalundur nýtir í sína framleiðslu uppfyllir öll þessi skilyrði. Það er framleitt í Evrópu og skráð í evrópska gagnagrunna (REACH) sem tryggir gagnsæi innihaldsefna.

„Plastið hefur evrópska vottun til notkunar við leikfangagerð þar sem er gert ráð fyrir að börn stingi því upp í sig. Það tryggir einnig skaðlaust vinnuumhverfi starfsfólks og viðskiptavina,“ segir Sigurður.

Vörur Múlalundar hafa marg­sannað sig þegar kemur að góðri endingu.

„Plastið sem Múlalundur nýtir er 40 til 60 prósent endurunnið og nú erum við að gera tilraunir með 100 prósent endurunna plastvasa sem vonandi koma á markað á næstu mánuðum. Hreint, vottað plast, sem er að stórum hluta endurunnið, framleitt stutt frá notkunarstað, notað ár eftir ár og loks skilað aftur í endurvinnslu að notkun lokinni, er góður kostur fyrir umhverfið.“

Öllum er mikilvægt að vinna

Múlalundur hefur frá árinu 1959 verið rekinn af SÍBS, með stuðningi Happdrættis SÍBS og verður því 60 ára á næsta ári. Þar hafa þúsundir einstaklinga með skerta starfsorku fengið annað tækifæri og blómstrað á ný.

„Múlalundur stendur sjálfur undir stærstum hluta tekna sinna, sem er allt að því einsdæmi á vinnustofum fólks með skerta starfsorku. Hver einasta króna skiptir Múlalund máli og ávinningurinn er samfélagsins í heild því saman hjálpum við fleirum sem glíma skerta starfsorku að komast á vinnumarkað. Starfsemin stendur því og fellur með viðskiptavinum okkar og í dag standa mörg fyrirtæki sig vel í að flétta daglegri starfsemi við samfélagslega ábyrgð. Með því vinna allir,“ segir Sigurður.

Múlalundur vinnustofa SÍBS er við Reykjalund í Mosfellsbæ. Sími 562  8500. Skoðið úrvalið á mulalundur.is.

Á Múlalundi fær fólk sem hefur skerta starfsorku tækifæri til atvinnuþátttöku. MYND/VALLI
Á Múlalundi starfa dugmiklir einstaklingar sem framleiða gæðavörur sem notaðar eru víða um land. MYND/VALLI
Vistvænt og endurnýtt plast er notað í framleiðsluvörur Múlalundar. MYND/VALLI
Á Múlalundi fæst allt sem þarf fyrir skrifstofuna.

Athugasemdir

Auglýsing
Auglýsing

Tengdar fréttir

Kynningar

Dekk1.is – dekk á betra verði

Kynningar

Singles’ Day – 11.11 er netútsöludagurinn

Kynningar

Gæðastund í miðborginni

Auglýsing

Nýjast

Atten­bor­ough gæti átt vin­sælasta lagið um jólin

Bóka­dómur: Hár­fínn línu­dans við for­tíðar­drauga

Pi­ers og Ariana í hár saman vegna „hræsnarans“ Ellen

Rauði djöfullinn lyftir Marvel á hærra Netflix-plan

Fólkið á götunni: „Held í húninn þegar það er opnað“

Óður til hins upprunalega á Hótel Sögu

Auglýsing