Nýr stjórnandi The Bachelor

Emmanuel Acho, mun vera stjórnandi í Bachelor: After the Final Rose special þættinum sem fer í loftið þan 15. mars næskomandi.

ABC sem framleiðir The Bachelor tilkynnti þetta í gær, tveimur vikum eftir að Chris Har­ri­son, sem hafði verið stjórnandi þáttana frá upphafi þeirra sagði frá því að hann ætlaði að láta af störfum sem þáttarstjórnandi, að minnsta kosti tímabundið.

Acho mun því taka við hlutverki Harrison og ræða við Matt James, piparsvein 25 þáttaraðarinnar, í þættinum á eftir loka rósaafhendingarinnar.

Acho mun setjast niður með James og fara yfir þáttaröðina, lokaákvörðun hans og hvar hann stendur núna. Þá mun Acho einnig ræða við lokakeppendurnar þrjá, þær Bri Springs, Michelle Young og Rachael Kirkconnell.

Acho er fyrrum ruðningskappi en hann spilaði með Philadelphia Eagles, hann gerðist síðar íþróttafréttamaður og er rithöfundur metsölubókarinnar Uncomfortable Conversations with a Black Man.

Acho ólst upp í úthverfi þar sem meirihluti íbúa var hvítur og hefur verið duglegur að tala opinskátt um kynþáttahatur, m.a innan NFL. Acho hefur sagt að honum líði eins hann gæti verið ákveðin brú á milli svartra og hvítra samfélaga. Eftir morðið á George Floyd í maí á síðasta ári fór Acho m.a. annars að taka viðtöl við fólk um kynþáttahatur í Bandaríkjunum og voru milljónir manns sem horfðu á viðtölin vikulega.

Það er því vel við hæfi að Acho taki við sem stjórnandi þáttarins í þessum merkilega þætti þar sem þáttaröðin verður gerð upp en eins og aðdáendur The Bachelor vita þá sagði Chris Harrison af sér eftir að hann hafði verið harð­lega gagn­rýndur fyrir um­mæli sem hann lét falla í við­tali við Rachel Lindsay, fyrr­verandi keppanda í þættinum Extra.

Þar var um­ræðu­efnið á­sakanir á hendur Rachael Kirkconnell, keppanda í nýjustu þátttaröðinni af Bachelor, um ras­isma. Á­stæðan var þriggja ára gömul mynd af henni á Insta­gram, þar sem hún var í búninga­partýi í­klædd búningi sem notaður var af þræla­höldurum á plant­ekrum í Suður­ríkjum Banda­ríkjanna.

Í stað þess að gagn­rýna keppandann kom Har­ri­son henni til varnar. Kirkconnell er enn keppandi í þáttunum og gæti orðið eigin­kona piparsveinsins Matt James.

Sagði Har­ri­son að „woke herinn“ yrði að gæta sín á al­netinu og finna til sam­kenndar með Kirkconnell, í stað þess að gagn­rýna hana. Hann viður­kenndi í til­kynningu síðar að hann hefði verið upp­vís að fá­visku, sem væri skað­leg.