Kynningar

Nýjasta kynslóð nagladekkja

N1 og tengd fyrirtæki hafa verið samstarfsaðilar Michelin áratugum saman með góðum árangri. Í mars kynnti Michelin til sögunnar Michelin X-Ice north 4 (XIN4) sem er nýjasta kynslóð nagladekkja frá Michelin.

Hermann Elí Hreinsson er vörustjóri hjólbarða hjá N1. MYND/ANTON BRINK

Michelin er án efa þekktasti hjólbarðaframleiðandi heims og er Bibendum, eða „Michelin kallinn“ eins og flestir kalla hann, vel þekktur hér á landi eins og víða um heim. N1 og tengd fyrirtæki hafa verið samstarfsaðilar Michelin áratugum saman með góðum árangri að sögn Hermanns Elís Hreinssonar, vörustjóra hjólbarða hjá N1, sem segir Michelin alla tíð hafa lagt gríðarlega mikla áherslu á rannsóknir og þróun á hjólbörðum. „Í byrjun árs kynntu þeir til leiks Michelin Alpin 6 dekkið sem ætlað er fyrir Mið-Evrópu markað og má segja að dekkið hafi tröllriðið markaðinum. Það má glögglega sjá í prófunum sem gerð hafa verið að bilið milli Michelin og annarra framleiðanda eykst töluvert í öllum viðmiðum ef borin eru saman dekk sem hafa verið keyrð 10.000 km.“

Mikil eftirvænting

Í mars kom svo að því sem flestir hafa verið að bíða eftir með eftirvæntingu að sögn Hermanns en þá kynnti Michelin til sögunnar

Michelin X-Ice north 4 (XIN4) sem er nýjasta kynslóð nagladekkja frá Michelin. „Ekkert var til sparað og fóru t.d. starfsmenn frá N1 út til að prufa dekkin, m.a. á ísi lögðum vötnum og í tilbúnum snjóbrautum. Einnig voru nýju dekkin borin saman við forverann og dekk frá helstu samkeppnisaðilum. Voru menn á einu máli um að hér væri komið byltingarkennt dekk sem setur ný viðmið í gæðum hjólbarða. Sjálfur hef ég farið í margar ferðir til að prófa dekk en verð að segja að ég hef aldrei áður fundið jafn greinilegan mun á gripi í öllum aðstæðum, þá sérstaklega á ís, eftir þær prófanir miðað við dekk helstu samkeppnisaðila.“ 

Ýmsar nýjungar 

Hermann segir margar nýjungar tengjast XIN4 dekkinu. Notuð er t.d. tækni frá WRC rallý í nýrri tegund nagla, fjöldi nagla er gríðarlegur miðað við forvera dekksins ásamt því að munstur og naglastaðsetningar eru reiknaðar út fyrir hverja mismunandi breidd dekkja sem hefur ekki þekkst áður. „Þetta gerir það að verkum að Michelin dekkið veitir hámarksgrip á ís í öllum aðstæðum án þess þó að auka slit á vegum eða auka hljóðmengun.“ 

Fær mikið lof

Á síðustu dögum og vikum hafa birst prófanir í blöðum víða á Norðurlöndum þar sem XIN4 trónir á toppnum og menn keppast við að lofa dekkið að sögn Hermanns. „Michelin XIN4 dekkið er gott dæmi um það hvernig Michelin fyrirtækið vinnur. Þeir eru ekki tilbúnir að fórna gæðum á einu sviði til að auka getu á öðrum sviðum og hafa því slagorðið „Total Performance“. Við hjá N1 leggjum mikið upp úr því að standast þær kröfur sem viðskiptavinir hafa varðandi þjónustu. Þar hefur samstarf við Michelin hjálpað okkur mikið. Öll hjólbarðaverkstæði N1 hafa hlotið „Michelin Quality Dealer“ vottun, en þá vottun fá eingöngu þau hjólbarðaverkstæði sem uppfylla ströngustu gæðakröfur Michelin.“

Athugasemdir

Auglýsing
Auglýsing

Tengdar fréttir

Kynningar

Frábær staður til heilsueflingar

Kynningar

Hlakka til hvers dags í Heilsuborg

Kynningar

Fann kraftinn minn aftur

Auglýsing

Nýjast

Saga sem er eins og lífið sjálft

Ástir og ör­lög taka völdin hjá Barokk­bandinu Brák

Ópera fyrir börn um tíma og plast

Aftur til framtíðar

Maður verður að vera sæmilegur til samviskunnar

Ópera um alla Reykjavík

Auglýsing