Zara Rutherford, 19 ára stúlka, kemur við í Reykjavík á fimmtudag á ferðalagi sínu hringinn í kringum hnöttinn. Takist Rutherford áætlunarverk sitt verður hún yngsta konan sem flýgur einsömul í kringum hnöttinn. Fyrra metið á Shaesta Waiz, sem var þrítug þegar hún fór ferðina árið 2017.

Rutherford leggur af stað frá Belgíu á morgun, flýgur til Englands, þaðan til Skotlands og kemur til borgarinnar á fimmtudag. Hún stefnir að því að koma aftur til Belgíu 4. september.

Erlendir miðlar hafa fjallað mikið um Rutherford að undanförnu. CNN, The Guardian og BBC hafa öll skrifað stórar greinar um hana. Þar kemur fram að hún vilji hvetja stelpur til að láta drauma sína rætast. Þetta sé hennar draumur en foreldrar hennar eru báðir flugstjórar og fékk hún flugmannsréttindi árið 2020.