Far­þegar sem voru á leiðinni til Amsterdam frá Manchester hafa verið hand­teknir eftir að slags­mál brutust út um borð í flug­vélinni. Manchester E­vening News greina frá þessu.

Á­höfn um borð í flug­vélinni, sem var frá flug­fé­laginu KLM, þurfti að stíga inn og stoppa slags­mál brutust út á milli tveggja ó­stýri­látra hópa.

Í mynd­bandi sem birtist fyrst á Twitter og hefur síðan verið deilt víða má heyra far­þega flug­vélarinnar hrópa „hættið“ og „hagið ykkur“ á meðan annar far­þegi var barinn. Hópur manna virtist skiptast á að berja mann sem sat á meðan flug­þjónar reyndu að stöðva þá.

KLM segir að á­höfn og flug­stjóri flug­vélarinnar hafi í lokin náð að binda enda á slags­málin. Allir sem áttu þátt í slags­málunum voru hand­teknir þegar þeir komu á Schip­hol-flug­völlinn í Amsterdam.

Í til­kynningu frá flug­fé­laginu segir: „Í gær áttum við voru nokkrir ó­stýri­látir far­þegar í KLM 1070 fluginu okkar frá Manchester til Amsterdam. Flug­stjórinn og á­höfnin bundu enda á slags­mál á milli tveggja hópa far­þega. Allir sem áttu hlut í máli voru hand­teknir við komu á Schi­pol flug­völlinn.“

„Engar tafir urðu á fluginu. KLM þolir ekki yfir­gang gegn starfs­mönnum eða far­þegum. Við biðjum far­þega okkar sem kunna að hafa orðið fyrir á­hrifum af at­vikinu af­sökunar.“

Sjá má mynd­bandið hér: