Brúðarkjóll Meghan Markle þykir stílhreinn og sígildur í sniði, slörið var gegnsætt með blúndu á kantinum. Brúðarkórónan er í eigu Elísabetar Englandsdrottningar og er frá árinu 1932.

Breski fatahönnuðurinn Clare Waight Keller hannaði brúðarkjólinn fyrir tískuhúsið Givenchy en áætlað er að kjóllinn sem er handsaumaður, hafi kostað um hundrað þúsund pund eða rúmlega fjórtán milljónir íslenskra króna.

Það er almennt talið að brúðurin hafi greitt fyrir kjólinn úr eigin vasa en hið sama gerði Katrín hertogaynja svilkona hennar á sínum þegar hún gekk að eiga Vilhjálm Bretaprins, eldri bróður Harry‘s prins.