Sindri Freyr og veitingastjórinn Sesselía Agnes Ingvarsdóttir, hafa unnið saman að nýjum víns- og kokteilaseðli með sumarlegu ívafi ásamt fleiri skemmtilegum nýjungum þar sem vín er parað með mat.

IMG_9624.jpg

„Við fórum út í að létta allt yfirbragð á matseðlinum og vera meira með ferskmeti og leyfa brögðunum að njóta sín,“ segir Sindri Freyr sem hefur sett sitt fingrafar á matseðilinn. „Við reynum að nýta hráefnið úr sveitunum, Norðurlandið er hrein matarkista og ótrúlega gróska sem fram fer í nærsveitum Akureyrar.

„Við leggjum áherslu á að vera með íslenskt hráefni í drykkjunum og fjölbreytnin er mikil,“ segir Sesselía og er afar stolt af nýja vín- og kokteilaseðli veitingastaðarins. Útisvæðið nýtur mikilla vinsælda og nú hefur þjónustan á útisvæðinu verið stóraukin og hægt verður að kaupa drykkina þar auk þess sem hægt er að panta matarkræsingar út.

IMG_9674.jpg

IMG_9671.jpg

Sjöfn fær þau Sindra og Sesselíu til að svipta hulunni af því sem staðurinn býður upp á í sumar og sjálfsögðu er farið í eldhúsið. Sindri töfra meðal annars fram sumarlegasta réttinn þeirra sem er forréttur og framreiðir íslenska lambið í aðalrétt á nýstárlegan og skemmtilegan hátt þar brögðin leika listir sínar.

Sælkeraheimsókn Sjafnar á veitingastaðinn Aurora á Akureyri í þættinum Matur og heimili í kvöld klukkan 21.00 á Hringbraut. Athugið breytan sýningartíma.

Hægt er að sjá brot úr þætti kvöldsins hér: