Margrét Ríkharðsdóttir matreiðslumeistari á Duck & Rose setti saman matseðil með réttum sem allir voru búnir til með Mabrúka kryddunum. Síðastliðinn föstudag var síðan haldin sannkölluð veisla þar sem Safa Jemai frá Mabrúka var á svæðinu sagði matargestum fallegu söguna bak við kryddin. Eins og áður sagði var þessi viðburður var hluti af dagskrá Nýsköpunar vikunnar og er einn af mörgum í flokknum sem er kallaður Matarboðið.

Margrét Ríkharðsdóttir Duck and rose 06.jpg

Aðspurð sagði Margrét að tilurð þess að hún kynntist kryddunum frá Mabrúka megi rekja til ákefðar  og áhuga Söfu. „Hún Safa byrjaði að hafa samband við mig í september í fyrra til þess að segja mér frá kryddunum, ég var aðeins treg til en hún var alveg hörð á því að hitta mig svo hún mætti á staðinn. Ég er virkilega glöð að hún gerði það því kryddin eru algjörlega frábær og sagan virkilega falleg. Svarti piparinn var strax mitt uppáhald og við byrjuðum að nota hann strax sama dag og hann er ennþá í dag mitt uppáhalds krydd frá Mabrúka besti svarti pipar sem eg hef smakkað og auðvitað túrmerik líka, það er geggjað,“ segir Margrét.

„Safa nefndi við mig stuttu eftir kynningar partíið sitt fyrr á árinu hvort það væri ekki gaman ef við myndum vera saman með viðburð í tengslum við nýsköpunarvikuna þar sem við myndum gera lítinn matseðil með réttum sem allir innihéldu kryddin. Ég og við á Duck & Rose vorum virkilega spennt fyrir því og slógum til.“

Margrét útbjó því til 6 rétta matseðil. Hann var frekar ólíkur því sem við erum vön að vera með í gangi hér á Duck & Rose og hann Marek Wisiniewski gerði geggjaðan kokteil Turmeric Gimlet með Sumac salti.“

Margrét Ríkharðsdóttir Duck and rose 07.jpg

Matseðillinn var í boðinn út laugardaginn 21.maí en aðal kvöldið var föstudaginn 20.maí þar sem Safa sjálf var á svæðinu og fór á milli borða og kynnti kryddin og sagði söguna bak við kryddin. „Ásgeir Ásgeirsson gítarleikari spilaði svo fyrir okkur dásamlega Miðjarðarhafs tónlist. Það var fullbókað og kvöldið virkilega vel heppnað.“

Þegar Margrét var beðin að lýsa matseðlinum stóð ekki á svörum. „Mig langaði að hafa flesta forréttina þannig að auðvelt væri að deila þeim og svo gæti fólk pantað sér aðalrétt sér ég er virkilega ánægð með hvernig seðilinn kom út.“

Hér má sjá hinn dýrðlega matseðil þar sem kryddin frá Mabrúka fengu að njóta sín til fulls.

Margrét Ríkharðsdóttir Duck and rose 13.jpg

Þeyttur Ricotta með grilluðu salati og zatar flatbrauði
„Við gerum ricotta hér á staðnum og svo sá ég Söfu gera rétt um daginn með grilluðu salati og flatbrauði og langaði því að prófa að gera eitthvað í þeim anda en grillað salat er virkilega vinsælt í Túnis. Í þennan rétt notaði ég sítrónu börkinn, grænmetisblönduna, zatar og hvítlauk.“

Margrét Ríkharðsdóttir Duck and rose 09.jpg

Grillaður aspas með Mexican Hollandaise
„Aspas er í season núna og mig langaði því að bjóða upp á hann og  prufa að gefa sterk kryddaðan hollandaise með þessi réttur er einfaldur en virkilega bragðmikill og skemmtilegur. Ég notaði salt, pipar og sítrónu á aspasinn og chili blöndu í hollandaise sósuna.“

Margrét Ríkharðsdóttir Duck and rose 11.jpg

Pólentu Fritti og sítrónumajó
„Hérna notuðum við í pólentuna best á kartöflur kryddblönduna og hvítlauk. í sósuna notuðum við sítrónukryddblönduna, hvítlauk og sítrónubörk.“

Sítrónu tagliatelle með hörpuskel og tígrisrækju
„Þessi réttur er á aðalseðlinum okkar og er virkilega vinsæll í hann notum við sítrónublönduna, hvítlauk og sítrónubörkinn.“

Margrét Ríkharðsdóttir Duck and rose 14.jpg

Sumac lambakonfekt með gulrótarmauki, jógúrtsósu, granateplum, grilluðum vorlauk og kartöflum
„Lambið maríneruðum við í sumac og hvítlauk,í jógúrtsósuna notuðum við sítrónubörk, svarta piparinn og hvítlauk. Á kartöflurnar notuðum við svo best á kartöflurnar.“

Margrét Ríkharðsdóttir Duck and rose 10.jpg

Sítrónu og túrmerik ostakaka
„Mig langaði mikið til þess að prufa að nota túmerik í eftirréttinn því það er í miklu uppáhaldi hjá mér svo eg gerði ostaköku með kanilbotni og sítrónu og túrmerik geli og er virkilega ánægð með útkomuna. Réttirnir voru því ólíkir en innihéldu allir dásamlegu kryddin frá Mabrúka.“

Margrét Ríkharðsdóttir Duck and rose 08.jpg

„Kokteilinn sló algjörlega í gegn hjá honum Marek enda mikill heilsudrykkur, túrmerik er allra meina bót og því hægt að drekka hann með góðri samvisku,“ segir Margrét að lokum.

Margrét Ríkharðsdóttir Duck and rose 03.jpg

Mikil gleði ríkti á meðal matargesta en fullsetið var þetta kvöld.

Margrét Ríkharðsdóttir Duck and rose 12.jpg

Ásgeir Ásgeirsson gítarleikari sá um tóna kvöldsins sem ómuðu vel með matarupplifuninni.

Margrét Ríkharðsdóttir Duck and rose 04.jpg

Margrét Ríkharðsdóttir Duck and rose 05.jpg

Heimagerðu kryddin frá Mabrúka slógu svo sannarlega í gegn og sáum um að kitla bragðlaukana.