Samfélagsmiðladrottningin og athafnakonan Manuela Ósk er ekki par sátt við þann fjölda fólks sem bregst við stöðuuppfærslum hennar á samfélagsmiðlinum Instagram en óánægjuna lætur hún í ljós í nokkrum færslum sem birtast á hina svokallaða „Story“ svæði á samfélagsmiðlinum.

„Fylgjendur ættu ekki bara að vera fylgjendur, þeir ættu að vera stuðningsmenn! Ef ég hirði nóg um til þess að fylgja þér, þá mun ég setja like á myndirnar þínar! Þegar ég skoða heimsóknartölurnar á síðunni minni að þá passa tölurnar alls ekki við fjölda þeirra sem hafa sett like.“

Manuela Ósk er um þessar mundir með rúmlega fimmtíu þúsund fylgjendur og eru að jafnaði rúmlega sexhundruð til sjöhundruð manns að bregðast við færslum hennar á samfélagsmiðlinum og ljóst að Manuela tekur það nokkuð til sín. 

Þannig svarar einn fylgjenda hennar á samfélagsmiðlinum og segir þetta góðar athugasemdir frá athafnakonunni og að þetta hafi fengið sig til þess að hugsa sinn gang. Manuela segist í færslu afar þakklát fyrir stuðninginn.

„Auðvitað er öllum frjálst að velja hvað það gerir like við og hvað ekki - en til hvers ertu að fylgja IG accounti ef þér "líkar" aldrei efnið sem fer þangað inn?“