Magnús Scheving, leikari, biðst afsökunar á þeim orðum sem hann lét falla í podcastþætti Begga Ólafs í vikunni um ofbeldi og að það sé ofbeldi að fá ekki kynlíf frá maka sínum.

„Orð mín voru því miður mjög ömurlega sögð og á því vil ég biðjast afsökunar á,“ segir Magnús í tilkynningu sem hann sendi frá sér í morgun.

Þar segi hann að í þættinum hafi umræðan borist að ákveðnu málefni og að orðin hafi komið „óboðlega út úr honum“.

„…því miður komu orðin óboðlega út úr mér, heimskulega sagt og vona ég að þessi mistök mín um þetta þarfa màlefni, ofbeldi, sem ég því miður þekki vel sé ekki togað og teygt. Til allra þeirra sem ég kann að hafa sært með orðum mínum vil ég biðjast innilegrar afsökunar,“ segir Magnús í afsökunarbeiðni sinni sem má sjá í heild sinni hér að neðan.

Afsökunarbeiðni vegna fréttar

Orð mín voru því miður mjög ömurlega sögð og á því vil ég biðjast afsökunar á.

Í umræddum podcastþætti barst umræðan að vissu màlefni, því miður komu orðin óboðlega út úr mér, heimskulega sagt og vona ég að þessi mistök mín um þetta þarfa màlefni, ofbeldi, sem ég því miður þekki vel sé ekki togað og teygt. Til allra þeirra sem ég kann að hafa sært með orðum mínum vil ég biðjast innilegrar afsökunar.

Magnús Scheving

Ofbeldi á mörgum sviðum

Fjallað var um málið á vef Fréttablaðsins í gær en í þættinum sagði hann að of­beldi gæti átt sér stað á mörgum sviðum og sagði það meðal annars geta verið of­beldi þegar gift fólk fær ekki kyn­líf frá maka sínum.

Magnús viðraði þessa og fleiri skoðanir sínar í hlað­varpi Begga Ólafs fyrr í vikunni. Þar tók hann fram að gæti hann veifað töfra­sprota og leyst eitt vanda­mál í heiminum væri það of­beldi. „Maður sér harminn sem gerist út í heimi, við stríð og fleira og þetta eru allt ein­hverjir karlar, ljótt að segja það er bara stað­reyndin,“ út­skýrði Magnús.

Of­beldi á að mati Magnúsar aldrei rétt á sér og finnst það á ó­líkum sviðum. „Of­beldi getur alveg verið þannig að þú ert giftur og við­komandi fær ekki kyn­líf hjá hinum, það getur verið of­beldi.