Lífið

Lof mér að falla með íslenska landsliðinu

Sú venja íslenska karlalandsliðsins að setjast niður daginn fyrir leik að horfa á íslenska kvikmynd breyttist ekki með nýjum þjálfara. Landsliðið horfði á Lof mér að falla fyrir leikinn gegn Svisslendingum.

Íslenska fótboltalandsliðið var ekki í sama gæðaflokki og Lof mér að falla þegar það steinlá fyrir Sviss. Fréttablaðið/EPA

Venju samkvæmt horfði íslenska landsliðið í fótbolta á kvikmynd kvöldin fyrir landsleikina gegn Sviss og Belgíu. Horfði liðið á Lof mér á falla fyrir skellinn gegn Sviss en í gær var blásið í gleðilúðrana og settist liðið niður með þáttaröðinni Suðurameríski draumurinn.

Lof mér að falla sló í gegn um helgina á Íslandi og er frumsýning hennar fjórða stærsta opnun frá upphafi á íslenskri kvikmynd og stærsta frumsýningarhelgi á íslenskri mynd síðan 2016 – aðeins Mýrin, Bjarnfreðarson og Eiðurinn hafa þénað meira á frumsýningarhelgi.

Rúmlega 8.300 gestir kíktu á myndina en ekki er vitað hvort þeir sem eru í íslenska hópnum voru taldir með.

Strákarnir voru eðlilega í litlu stuði til að ræða myndina þegar eftir því var leitað í St. Gallen en liðið hefur fengið að njóta margra mynda áður en þær fara í sýningar.

Þannig hefur hópurinn séð Everest, Vonarstræti, Borgríki 2 og Undir trénu, svo nokkrar myndir séu nefndar, á undan öllum öðrum.

Auðunn Blöndal, einn af þátttakendum í Suðurameríska draumnum, segir að það sem hann hafi séð af þáttaröðinni lofi virkilega góðu. Þættirnir eru þekktir fyrir mikið grín og mikið gaman þar sem Auðunn, Steindi, Sveppi og Pétur Jóhann sprella á erlendri grundu og ættu því að geta þurrkað skelfinguna í St. Gallen út úr huga landsliðsmanna Íslands.

Landsliðið leikur gegn Belgum í dag en þetta er fyrsti heimaleikur Eriks Hamrén með liðið. Hann sagði þegar hann tók við að hann ætlaði að halda í hefðir og venjur og greinilegt að hann er maður orða sinna.

Athugasemdir

Auglýsing
Auglýsing

Tengdar fréttir

Lífið

Borgar­full­trúi pirrar sig á RÚV appinu

Lífið

Allir flokkar sýndir í beinni eftir mót­mæli Hollywood

Lífið

Raddirnar verða að heyrast

Auglýsing

Nýjast

Hanna flíkur úr ó­nýttum efna­lagerum

Eftir hundrað ár munu fleiri leika sér

Leyndarmál íslenskrar listasögu

Ætla að kné­setja kapítalið og selja nokkra boli

Líkt við Gaultier og Galliano

Í­huguðu nánast alla leikara í Hollywood fyrir Titanic

Auglýsing