Lífið

Lilja Dögg hleypir af stað dansbyltingu

Hinn árlegi dansviðburður Milljarður rís fer fram í Silfurbergi í Hörpu þann 14. febrúar næstkomandi kl.12.15 og mun Lilja Dögg Alfreðsdóttir mennta- og menningarmálaráðherra hleypa viðburðnum af stað.

Lilja Dögg mun hleypa dansbyltingunni Milljarður rís af stað á fimmtudaginn. Fréttablaðið/Anton Brink

Þetta er í sjöunda sinn sem viðburðurinn er haldinn hér á landi og fólk kemur saman og dansar fyrir heimi þar sem allir, óháð kyni og kynhneigð, fá að njóta sömu tækifæra án ótta við ofbeldi. Íslensk landsnefnd UN Women fagnar 30 ára afmæli í ár og því verður viðburðurinn sérstaklega veglegur í þetta sinn.

Ekki missa af stærstu dansveislu heims - mættu og dansaðu gegn ofbeldi!

Líkt og fyrri ár er það plötusnúðurinn DJ Margeir sem mun stýra tónlistinni og fær hann til liðs við sig glæsilegan hóp tónlistarfólks sem mun sjá til þess að mannskapurinn hristi sig og skekji. Þá verður nýja FO-húfan til sölu á staðnum auk annars varnings og rennur ágóðinn til verkefna UN Women sem vinna að því að uppræta kynbundið ofbeldi um allan heim. Fólk er hvatt til að mæta með FO-húfurnar sínar á svæðið, nýjar sem gamlar, og taka sínar eigin FO myndir með „Insta-myndavélakassanum“ sem verður á staðnum. Þá verður spánýr FO varningur til sölu á staðnum í takmörkuðu upplagi. 

DJ Margeir mun stjórna tónlistinni ásamt glæsilegum hópi tónlistarfólks.

Á síðasta ári var viðburðurinn haldinn í yfir 200 löndum víðs vegar um heiminn, m.a. í Argentínu, Sjíle, Mexíkó, Bandaríkjunum, Kanada, Spáni, Tyrklandi, Ástralíu, Hong Kong og Filipseyjum. Á Íslandi kom fjöldi fólks saman á öllum aldri um allt land og var dansað gegn kynbundnu ofbeldi í Reykjavík, Akureyri, Neskaupsstað, Seyðisfirði, Höfn í Hornafirði, Hvammstanga, Reykjanesbæ og Borgarnesi. Samtakamátturinn var allsráðandi!

Milljarður rís viðburðir verða haldnir á eftirfarandi stöðum: Hörpu í Reykjavík, Íþróttahúsinu Neskaupsstað, félagsheimilinu Herðubreið á Seyðisfirði, Hvatastöðinni Hólmavík, Fosshótel á Húsavík, íþróttahúsinu á Sauðárkróki og Hofi á Akureyri. 

Athugasemdir

Auglýsing
Auglýsing

Tengdar fréttir

Lífið

Verður gaman að sjá hvort unga fólkið þekki okkur!

Lífið

Qu­een og Adam Lambert koma fram á Óskarnum

Lífið

Punis­her og Jessi­ca Jones síðust úr Mar­vel af Net­flix

Auglýsing

Nýjast

Dill missti einu ís­lensku Michelin-stjörnuna

Skál! fær viður­kenningu frá Michelin

Smyrill á tólftu hæð: „Virtist alveg sama um okkur“

Forritið Tudder: „Eins og Tinder fyrir nautgripi“

Dásamlegar heimagerðar beyglur

Ás­dís Rán setur Söru Heimis stólinn fyrir dyrnar

Auglýsing