Lífið

Lifa í voninni að Kári yfirgefi Herjólfsdal

Gífurleg stemning er í Herjólfsdal þar sem Brekkusöngur hefst nú á næstu mínútum. Hvesst hefur í dag og hefur Veðurstofa gefið út gula viðvörum fyrir Suðurland.

Gífurleg stemning hefur verið síðustu daga. Mynd/Gunnar Ingi

Gífurleg stemning er í Herjólfsdal á síðasta kvöldi Þjóðhátíðar í Vestmannaeyjum þetta árið. Veður hefur þó ekki verið með besta móti í dag, en Veðurstofa hefur gefið út gula viðvörun fyrir Suðurland. Bætt hefur töluvert í vind og eru það því kappklæddir landsmenn sem hafa komið sér fyrir í brekkunni í Herjólfsdal fyrir Brekkusönginn svokallaða sem hefst hvað úr hverju. Tónlistarmaðurinn Ingólfur Þórarinsson, betur þekktur sem Ingó veðurguð, stýrir Brekkusöngnum í kvöld líkt og síðustu ár.

Dóra Björk Gunnarsdóttir, formaður Þjóðhátíðarnefndar, segir segir stemninguna í dalnum vera ólýsanlega. Mikil dagskrá hefur verið í kvöld og eru tónlistarfólkið Salka Sól Eyfeld, Hreimur og Jóhanna Guðrún meðal þeirra sem stigið hafa á svið í kvöld. 

„Það þyrfti að verðlauna þessa gesti hvað þau eru dugleg að mæta í brekkuna. Við erum búin að eiga frábæra kvöldstund hérna,“ segir Dóra í samtali við Fréttablaðið. „Þetta er bara góð Þjóðhátíð.“

Líkt og fyrr segir hefur veður ekki verið með besta móti í dag. Dóra kveðst þó ekki telja að slíkt angri Þjóðhátíðargesti eða vont veðurfar hafi áhrif á Brekkusönginn, sem er vinsæll viðburður á hverju ári. „Það er bara búið að vera strengur hérna hjá okkur í allan dag þannig við lifum í voninni að þessu fari að ljúka og Kári fari að yfirgefa Herjólfsdal.“

Athugasemdir

Auglýsing
Auglýsing

Tengdar fréttir

Menning

Hór­mónar boða koll­vörpun feðra­veldisins á nýrri plötu

Lífið

Verðlaunahátíðin tileinkuð Arethu Franklin

Lífið

Fullorðin Solla stirða togar, teygir og liðkar líkama

Auglýsing

Nýjast

Pútín og Merkel leita að góðu heimili

Þriggja herbergja blokkaríbúð á 102 milljónir

Öllu vanari kuldanum

Boð­ar end­ur­kom­u á skjá­inn eft­ir á­sak­an­ir um nauðg­un

Gleð­­in við völd í brúð­kaup­i Sögu og Snorr­­a á Suð­ur­eyr­i

Marg­menn­i á Arnar­hól og í Hljóm­skál­a­garð­in­um

Auglýsing