Mikil ánægja er með nýju styrktarsamningana enda er holl og góð næring nauðsyn fyrir afreksfólk.

,,Við höfum fundið fyrir miklum vilja frá afreksíþróttafólki að velja Lemon samlokur og djúsa þar sem þau vita að okkar veitingar eru holl og góð næring. Það er mikil viðurkenning fyrir okkur að afreksíþróttafólk velji Lemon. Við höfum verið iðin við að bæta íþróttafólki í Lemon hópinn og hefur hópurinn fengið nafnið Team Lemon. Við hlökkum mikið til þessa samstarfs með þessu flotta afreksfólki," segir Unnur Guðríður Indriðadóttir, markaðsstjóri Lemon.

leominelisa-22-06-29-34016-Resize copy.jpg

Elísa Viðarsdóttir landsliðskona í knattspyrnu er næringarfræðingur að mennt og velur holla og góða næringu.

Í Team Lemon eru íþróttamennirnir, Elísa Viðarsdóttir landsliðskona í knattspyrnu, Arnar Pétursson, hlaupari, Þórólfur Ingi Þórsson hlaupari, Ingvar Ómarsson hjólreiðamaður, Telma Matthíasdóttir líkamsræktarþjálfari og einn af eigendum Bætiefnabúllunnar og Martin Bjarni Guðmundsson fimleikamaður.

,,Framundan eru stórar keppnir og nú er m.a. Elísa að keppa með íslenska kvennalandsliðinu í úrslitum EM í knattspyrnu. Hún verður einmitt í eldlínunni með liðinu gegn Ítalíu, Belgíu og Frakklandi á næstu dögum og öll þjóðin bíður spennt eftir leikjunum. Elísa, sem á að baki 47 leiki með landsliðinu, er næringarfræðingur og er því mjög meðvituð um val á næringu. Til að ná árangri skiptir næring miklu máli. Mikilvægt er að borða vel og passa upp á sambland næringarinnar. Við þurfum öll að fá nægilega mikið og góða blöndu af próteini, kolvetnum og fitu," segir Unnur Guðríður.

Hún bætir við að Arnar sem vann sinn fimmtugasta Íslandsmeistaratitil í vikunni og Þórólfur sem fagnar 20 ára keppnisafmæli í dag séu að fara að takast á við Laugaveginn í júlí.

Ingvar sem er ósigraður eftir 10 keppnir á árinu er að fara í þrjár stórar keppnir núna í júli meðal annars The Rift sem er 200 km löng malarhjólakeppni.