Menning

Leika þrjú verk sem öll eiga sína sögu

Hundrað ára kvintett eftir Edward Elgar verður fluttur í fyrsta sinn á Íslandi á tónleikum Kammermúsíkklúbbsins í Kaldalónssal Hörpu á sunnudaginn.

Anton Miller, Bjarni Frímann, Guðný Guðmunds, Bryndís Halla og Rita Porfiris á æfingu. Fréttablaðið/Anton Brink

Dagskráin er spennandi, þrjú verk, öll samin á 20. öldinni,“ segir Guðný Guðmundsdóttir um tónleika Kammermúsíkklúbbsins í Hörpu á sunnudaginn sem hefjast klukkan 16 í Kaldalóni. Þeir eru haldnir henni til heiðurs í tilefni sjötugsafmælis fyrr á árinu. Nú fær hún til liðs við sig öndvegis hljóðfæraleikara, íslenska og erlenda.

„Það er merkilegt að stærsta verkið sem við flytjum, píanókvintett eftir Edward Elgar, er hundrað ára gamalt, stórt og viðamikið, rómantískt kammerverk sem hefur aldrei heyrst á Íslandi áður. Við erum búin að fletta gegnum timarit.is og sögu Kammermúsíkklúbbsins og ég tel mig geta fullyrt það.“

Guðný segir ómögulegt að spila sömu verkin, aftur og aftur. „Það er svo ótrúlega margt fallegt til og nú til dags er svo auðvelt að finna verk í tölvunni. Ég fór bara inn á YouTube og kannaði þennan Elgar-kvintett sem ég hef vitað af í mörg ár og margir höfðu sagt mér að væri flottur. Ég gat ekki staðist að setja hann á dagskrá. Erlendu gestirnir okkar, Anton Miller og Rita Porfiris, eru hjón, fiðlu- og víóluleikarar og við höfum spilað töluvert saman sem strengjatríó. Nú bætum við við okkur Bryndísi Höllu sellóleikara og Bjarna Frímanni á píanó til að geta flutt kvintettinn.

Fyrir hlé eru tvö verk. Hjónin Miller og Porfiris leika það fyrra, sem er eftir Ungverjann László Weiner. „Þessi Weiner var nemandi Zoltáns Kodály, sem var samlandi hans og er höfundur síðara verksins fyrir hlé. Weiner var óskaplega efnilegur en varð fyrir þeirri hörmung að lenda í útrýmingarbúðum nasista og náði bara 28 ára aldri. Kodály gerði allt sem hann gat til að fá hann lausan, því Weiner var svo frábær nemandi. Eftir Weiner liggja einungis sjö tónverk og þetta dúó er eitt þeirra. Þegar flutningi þess er lokið hljómar strengjatríó (kvöldlokka) eftir Kodály,“ segir Guðný. „Það er þekkt verk og hefur verið flutt hér áður.“

Guðný segir Kammermúsíkklúbbinn stórkostlegt fyrirbæri. Hún hafi sótt tónleika þar frá því hún var ung að læra að spila. „Þá var ekki mikið um klassíska tónleika en kennararnir mínir voru gjarnan að spila hjá klúbbnum,“ rifjar hún upp og kveðst síðar hafa tekið virkan þátt í starfinu og sett saman hinar ýmsu grúppur.

Athugasemdir

Auglýsing
Auglýsing

Tengdar fréttir

Menning

Bóka­dómur: Hár­fínn línu­dans við for­tíðar­drauga

Menning

Rauði djöfullinn lyftir Marvel á hærra Netflix-plan

Menning

Lafði Macbeth í Hvíta húsinu

Auglýsing

Nýjast

Atten­bor­ough gæti átt vin­sælasta lagið um jólin

Pi­ers og Ariana í hár saman vegna „hræsnarans“ Ellen

Fólkið á götunni: „Held í húninn þegar það er opnað“

Óður til hins upprunalega á Hótel Sögu

In memoriam: Þrastalundur

Einelti hefur aukist á síðustu tólf árum

Auglýsing