Lífið

Lágstemmdur og þægilegur Ásgeir Trausti

Í ár heldur Ásgeir Trausti tvenna tónleika í Fríkirkjunni í Reykjavík þar sem nýju lögin verða í forgrunni. Auk þess stendur hann fyrir skemmtilegum viðburðum í Hljóðrita þar sem heppnir gestir fá einstaka vínylplötur að gjöf.

„Tónleikarnir verða í stíl við Hringsólstúrinn sem ég fór í sumar, lágstemmdir og þægilegir, með okkur tvo ásamt tveimur gítörum," segir Ásgeir Trausti. MYNDIR/ERNIR

Ásgeir Trausti var eitt aðalnúmerið á Iceland Airwaves á síðasta ári en þá hélt hann eftirminnilega tónleika í Eldborgarsal Hörpu við góðar undirtektir. Í ár heldur hann öllu minni og persónulegri tónleika sem fara fram í Fríkirkjunni í Reykjavík dagana 9. og 10. nóvember en þar fá áhorfendur m.a. að heyra mörg ný lög af væntanlegri plötu hans. „Ég mun koma þar fram ásamt Júlíusi Róbertssyni en við ætlum að spila flest lögin af nýju plötunni sem kemur út snemma á næsta ári. Tónleikarnir verða í stíl við Hringsólstúrinn sem ég fór í sumar, lágstemmdir og þægilegir, með okkur tvo ásamt tveimur gítörum. Sennilega hendir maður einhverjum eldri lögum inn á lagalistann líka en aðalfókusinn er nýju lögin.“

Annasamt ár

Undanfarið ár hefur verið annasamt hjá Ásgeiri Trausta. Í upphafi árs kláraði hann tónleikaferðalag í tengslum við plötuna Afterglow sem kom út í fyrra og hóf strax í kjölfarið að semja efni fyrir næstu plötu. „Ég lokaði mig af í sumarbústað í nokkrar vikur til að semja og þegar því ferli lauk þá fór ég í skíðaferðalag til Austurríkis í nokkra daga. Eftir heimkomuna hófust upptökur í stúdíóinu þannig að árið hefur mestmegnis farið í gerð nýju plötunnar.“

„Flest lögin eru drifin af kassagítar og píanói, minna af synthum og elektróník. Pælingin í byrjun var að gera lágstemmda kassagítarplötu en það var bara ekki nógu skemmtilegt þannig að platan endaði á að fara í margar áttir," segir Ásgeir Trausti.

Sérstakur viðburður

Utan tónleikanna í Fríkirkjunni stendur hann fyrir viðburði í stúdíóinu Hljóðrita sem ber heitið Straight to Vinyl. Þar munu átta ólíkir listamenn halda stutta óformlega tónleika, eða taka upp 1-2 lög, sem verða gefin strax út á einni vínylplötu. Einn heppinn gestur fær plötuna að gjöf eftir hverja tónleika sem mun innihalda eitt lag á hvorri hlið. „Það sem gerir þetta sérstakt er að það verður þá aðeins eitt eintak til af hverjum tónleikum og einhver heppinn áhorfandi fær svo að taka það með sér heim. Þetta verða því ekki hefðbundnir tónleikar sem slíkir heldur býðst þeim að halda hér stutta tónleika eða taka bara upp eitt eða tvö lög, það fer bara eftir fílingnum.“

Ekkert sérstakt þema

Eins og fyrr segir kemur ný plata út snemma á næsta ári en hann segir hljóðheimi hennar svipa til þess sem hann var að gera á fyrstu plötu sinni, Dýrð í dauðaþögn, sem kom út árið 2012. „Flest lögin eru drifin af kassagítar og píanói, minna af synthum og elektróník. Pælingin í byrjun var að gera lágstemmda kassagítarplötu en það var bara ekki nógu skemmtilegt þannig að platan endaði á að fara í margar áttir. Textarnir eru bæði á íslensku og ensku og verða því gefnar út tvær útgáfur, önnur á íslensku en hin á ensku. Það er því ekki víst að það verði nákvæmlega sömu lögin á báðum útgáfum. Textana vann ég með pabba mínum, Einari Georg, og Júlíusi Róbertssyni en umfjöllunarefni þeirra fara líka í margar áttir eins og lögin. Því er erfitt að segja að það sé eitthvert sérstakt þema í gangi. Stefnan er sett á útgáfu snemma á næsta ári en ekki er enn kominn útgáfudagur.“

Athugasemdir

Auglýsing
Auglýsing

Tengdar fréttir

Lífið

Bieber og Hailey staðfesta hjónabandið

Lífið

Boltinn fór að rúlla

Helgarblaðið

Við dettum öll úr tísku

Auglýsing

Nýjast

Ekki til ein­hver ein rétt dauð­hreinsuð ís­lenska

Ís­lensk börn send í sósíalískar sumar­búðir

Rhys-Davies: „Þið eruð kraftmikið nútímafólk“

Sagði allt sem hún mátti ekki segja sem for­seta­frú

Harry er alltaf að slökkva ljósin

Íslensk risaeðlunöfn fyrir íslensk börn

Auglýsing