Bjórbruggverksmiðjan Borg Brugghús kynnir á Facebook síðu sinni glænýjan og grenjandi ferskan Pale Ale bjór sem þegar þessi orð eru skrifuð er í töppun. 

Um er að ræða bjórinn SKYLD'AÐ VERA STÓLAHLJÓÐ NR.T13 og verður hægt að smakka bjórinn á Klaustur Bar í kvöld klukkan 21:00.

Líkt og alþjóð veit er hér um að ræða snúning á ummælum Sigmundar Davíðs Gunnlaugssonar, sem fullyrti að meint selahljóð sem þingmenn gerðu með vísun í Freyju Haraldsdóttur hefðu verið hljóð í stóli að hreyfast auk jólalagsins Jólahjól.

SKYLD'AÐ VERA STÓLAHLJÓÐ NR.T13 er ríkulega humlaður með El Dorado og Mosaic humlum og er  „hættulega aðgengilegur á sama tíma.“