Kylie Jenner treður sokk ofan í kokið á aðdáendum

Samfélagsmiðlastjarnan Kylie Jenner var ekki sátt vegna hæðni aðdáenda sinna í hennar garð vegna meintrar ómerkilegrar sturtuaðstöðu hennar. Hún sýndi þeim í tvo heimana með myndbandsupptöku af sturtunni sinni.

Aðdragandi málsins er Instagram færslur samfélagsmiðlastjörnuunnar frá því í vikunni. Þar tók hún myndband af baðherberginu sínu og þótti aðdáendum hennar merkilega lítið til koma til sturtunnar hennar, miðað við ríkidæmi hennar.

Litaðist það af því hve ákaflega lítill þrýstingur var á sturtunni. Sem betur fer fyrir sjálfsmynd stjörnunnar er hún ein ríkasta kona heims og á hún því nóg af baðherbergjum.

„Ég sé alltaf helv**** sturtuna mína á netinu,“ segir Kylie í myndbandinu sem má sjá hér að neðan. Þar sýndi hún rafræn blöndunartækin sín, þar sem hægt er að stimpla inn hitastigið á vatninu með mikilli nákvæmni. Ljóst er að Kylie hefur hitann á 102 gráðum á Fahrenheit, eða rúmum 38,8 celsius gráður.