Þetta átti upp­­haf­­lega að vera glað­­leg og hress plata um sumar­frí og sælu en út­­göngu­bann og heims­á­hyggjur lögðu sitt af mörkum,“ segir Salka Vals­dóttir, annar með­limur tví­­eykisins Cyber, um nýjustu plötu hljóm­sveitarinnar, Vacation. Jóhanna Rakel, hinn hluti tví­­eykisins, tekur undir. „Þetta varð frekar skrítinn bræðingur af svaka­­legum kvíða og á­hyggjum í bland við drauma og frí.“

Það liggur á milli hluta hvort Vacation sé önnur eða þriðja plata Cyber en þær hafa einnig gefið út fjórar smá­­skífur. „Við erum búnar að á­­kveða að þetta sé önnur breið­skífan okkar,“ segir Jóhanna á­­kveðin og bætir við að það sé allt of full­orðins­­­legt að vera að gefa út þriðju plötuna. „Já, það væri bara frekar kvíða­valdandi,“ skýtur Salka inn í.

Pressa að líða vel

Tón­listar­­konurnar sköpuðu bróður­­part nýju plötunnar í út­­göngu­banni í Ber­lín þar sem þær bjuggu á há­­punkti far­aldursins. „Við vorum bara fastar heima að horfa á þætti milli þess sem við sömdum tón­list um ein­hverjar strendur, nætur­­klúbba og aðra hluti sem voru ekki innan seilingar,“ segir Salka kímin.

Ekki hafi það heldur bætt úr skák að á fyrstu vikum sam­komu­bannsins hafi borið veru­­lega á þeim skila­­boðum að nú væri tíminn til að verða besta út­­gáfan af sjálfri sér. Allt snerist um að ná þessari full­komnu rútínu sem inni­­hélt hug­­leiðslu, heima­æfingar og sjálfs­hjálpar­­boð­­skap, að sögn Jóhönnu.

„Það var rosa­­lega mikil pressa á að líða vel í þessu stór­furðu­­lega á­standi og það áttu allir að vera dug­­legir og gera rosa mikið.“ Á sama tíma kviknaði spurningin um hversu af­slöppuð væri hægt að vera á meðan heimurinn logaði.

Fár­­sjúkar konur

Það lá fyrir að sækja inn­blástur í á­standið en því var ætíð haldið til streitu að loka­út­koman yrði popp-plata. Því mark­miði var svo sannar­­lega náð en upp­­lífgandi lag­línurnar stinga þó nokkuð í stúf við kvíða- þrungna textana.

„Ef maður hlustar að­eins á textann þá kemur strax í ljós að þessar konur eru fár­­sjúkar af á­hyggjum,“ segir Salka og bendir á að þemu á borð við val­kvíða og stress fái veiga­­mikið hlut­­verk á plötunni.

„Eitt lagið er bara um að sitja á drauma­­ströndinni og geta ekki hætt að horfa á símann sinn.“ Það sé eitt af vanda­­málunum sem eru farin að herja á nú­­tíma­manninn.

„Það skiptir ekki máli hvort maður er að lifa lífinu sem alla á Insta­gram dreymi um, maður er alltaf að bíða eftir ein­hverju meira spennandi.“

CYBER tvíeykið frumsýnir nýtt útlit innblásið af faraldrinum.

Fyrir­­­ferða­r­mikil fágun

Út­lit Cyber hefur tekið stökk­breytingum í gegnum árin og ó­­hætt að segja að hljóm­sveitin hætti aldrei að koma á ó­­vart. Þær byrjuðu í pastel­litum, færðu sig síðar yfir í latex og þaðan í jakka­­föt en það sem hefur nú tekið við er erfiðara að út­­skýra.

„Við erum að vinna með fyrir­­­ferðar­­mikla fágun, sem er nokkuð brot­hætt fyrir­­bæri,“ segir Jóhanna í­byggin á svip. Þær segja stílinn vera inn­blásinn af há­­stéttar 18. aldar tísku í anda Mari­e Antoinette í bland við sumar­frí á partí­­strönd á I­biza.

Salka og Jóhanna viður­­kenna að CO­VID hafi einnig haft á­hrif á nýja út­litið. Undir himin­háu hári þeirra leynist nefni­­lega klósett­­pappírs­­rúlla. Báðar upp­­lifðu þær klósett­­pappírs­skort í Þýska­landi og vilja nú vera við öllu búnar. „Þetta er fínasta redding, maður getur alltaf vippað pappírnum út ef þess gerist þörf.“

Vegna á­standsins verður ekki blásið til út­­gáfu­­tón­­leika í til­­efni plötunnar í bráð. „Það er bara ekki í boði.“ Mögu­­lega verði reynt að halda tón­­leika á næsta ári.

„Í kvöld förum við kannski bara og skálum í tveggja metra fjar­lægð."