Kryddin frá Túnis komu bragðlaukunum á flug í opnunarpartíi Mabrúka

Safa lét draum sinn rætast og því var fagnað með alvöru matarupplifun. Eftir að hafa uppgötvað hversu vel kryddin frá hennar menningarheimi passa vel með íslensku hráefni og setja punktinn yfir matarupplifunina var draumurinn að flytja inn heimagerðu kryddin og leyfa Íslendingum að kynnast kryddheiminum í Túnis. var fyrir um það bil ári síðan sem Safa byrjaði á því því að kanna mögu­leika á því að flytja inn og selja hér­lend­is heima­gert og hand­gert krydd móður sinn­ar. „Ég kynnti það fyrst fyr­ir Þráni Frey Vig­fús­syni, mat­reiðslu­manni og eig­anda Sumac í Reykja­vík, hann tók vel í hug­mynd­ina, fleiri sýndu krydd­inu áhuga í kjöl­farið og und­ir­bún­ing­ur að inn­flutn­ingi hófst.

Kryddin koma með bragðið

Safa kom til Íslands í fyrsta sinn sum­arið 2017 og vann þá í gróður­húsi Heilsu­stofn­un­ar NLFÍ í Hvera­gerði í þrjá mánuði. „Það var mjög skemmti­legt, en ég fór aft­ur heim til Tún­is í sept­em­ber, þar sem ég var í námi í hug­búnaðar­verk­fræði,“ seg­ir Safa og segist strax hafa verið hugfangin af landinu. Það leið ekki langur tíma þar til Safa kom aftur til Íslands en í ágúst 2018 flutti Safa til Íslands og hélt áfram í námi sínu. Hún fór ekki aftur til Túnis fyrir eftir tveimur árum seinna í heimsókn til fjölskyldunnar. „Ég tók fljót­lega eft­ir því að mat­ur­inn hérna er svo­lítið öðru­vísi en ég átti að venj­ast,“ seg­ir hún. „Mamma hef­ur alltaf búið til sitt eigið krydd, hef­ur sagt mér að svona hafi það verið gert í gamla daga og hún ætli að viðhalda hefðinni. Þegar ég kom aft­ur til baka tók ég með mér nokkur krydd frá henni og prófaði við matargerðina. Ég notaði kryddið til dæm­is á bleikju, þorsk og ís­lenskt kjöt eins og lamb og það kom mjög vel út.“ Safa segir að eitt sinn hafi hún farið út að borða á Sumac hafi hún vakið at­hygli Þrá­ins á krydd­un­um frá mömmu sinni og han hafi strax hrifist. „Hann sagðist hlakka til að fá þessi krydd og í októ­ber var ég kom­in með öll til­skil­in leyfi.“

Umhverfisvænar og fallegar viðarkrukkur

Umhverfisvænar umbúðir voru strax fyrsta val hjá Söfu og eru kryddin ann­ars veg­ar papp­ír­s­pok­um og hins veg­ar marg­nota viðar­krukk­um unn­ar úr ólífu­trjám, sem fólk get­ur fyllt á eft­ir þörf­um. „Ég vil ekki nota plast,“ seg­ir Safa. „Kryddið er gæðavara, sem meist­ara­kokk­ar nota, og svona viðar­krukk­ur eru til dæm­is vin­sæl­ar í Banda­ríkj­un­um og Hollandi. Hvers vegna ekki á Íslandi, hugsaði ég með mér og ákvað að fara þessa leið.“

Mabrúka nafn með rentu

Nafnið á fyrirtækinu er Ma­brúka (mabruka.is) eft­ir móður Söfu. „Ég gerði mér ekki grein fyrir því að það gæti væri svona erfitt að finna nafn fyrirtækið. Fólk í kringum mig sagði að það væri upplagt að nefna þetta eftir mömmu, hún heitir Mabrúka (Mabrouka á arabísku). Mér fannst það skrítið að því nafnið mömmu er svo persónulegt fyrir mig og ég vildi ekki í fyrstu láta fólk segja nafnið hennar. Ég var ekki tilbúin í það í fyrstu. Það tók okkur um það bil tvo mánuði að leita að nafni en það var ekkert sem passaði vel að okkur fannst nema Mabrúka. Ég fékk margar vini mína hér til að prófa að segja orðið Mabrúka. Ég vildi heyra Íslendinga bera nafnið fram og það kom mér á óvart hvað öllum fannst þetta töff nafn. Svo nafnið Mabrúka varð fyrir valinu.“

Hægt er að panta kryddið á heimasíðu Mabruka og til að byrja með fæst það líka í Sæl­kera­búðinni, hjá Kjöt­komp­aníi og á veit­ingastaðnum Brút. „Ég vil taka eitt skref í einu og sé svo til með fram­haldið,“ seg­ir Safa.

Viðarkrukkurnar eru einstaklega vandaðar og eigulegar en hægt er að kaupa áfyllingu á þær. Safa lagði mikið upp úr því að vera með umhverfisvænar og margnota umbúðir.

Safa með teyminu frá Matarkjallaranum og Kjötkompaníinu, Ari, Tuma, Valla og Viktori.

Margrét frá Duck & Rose og Áslaug Arna Sigurbjörnsdóttir háskóla-, iðnaðar- og nýsköpunarráðherra létu sig ekki vanta í opnunarpartíið hjá Söfu.

Sandholtsteymið sem töfraði fram vegan konfektmolana og desertinn í opnunarpartíinu.

Gestirnir nutu þess að kitla bragðlaukana.

Opnunarpartíið hið glæsilegasta og má með sanni segja að bragðlaukar gestanna hafa farið á flug þar sem kryddin frá Mabrúka slógu í gegn. Hér má sjá hluta af þeim réttum sem boðið var upp á og heilluðu gestina upp úr skónum.

Matarkjallarinn bauð upp á grillaðan túnfiskur í kjúklingakryddhjúp með Bok choy laufi, pikklaðuðu chili, estragon majónes, kartöfluflögur og þurrkuðum eggjarauðurm. Ísraelskt couscous með satlaðri sítrónu og kaldpressaðri sítrónuolíu (vegan).

Héðinn Kitchen & bar bauð upp á bbq grillað lamb með Nordic Wasabi chimichurri, pikkluðu chilli. Lambið er marínerað með kryddi og sesam olíu

Kjötkompaní bauð upp á myntu grafið lambainnralæri með jógúrt feta-osta kremi og pikkluðu hvítkáli. Toppað með þurrkuðum sítrónuberki.

Sumac bauð upp á vegan réttinn CRISPY FALAFEL með cayan piparog kúmen, Tahina með zaatar.

Desertinn frá Sandholt toppaður með kryddkexi vakti mikla lukku.

Sandholt bauð upp á vegan konfekt mola með fennel, vegan mjólkursúkkulaði Amatika 46% frá Valrhona. Desert í glösum með epla kompott, súkkulaði panacotta, praline rjóma og krydd kexi.

Jungle og Sumac bauð upp á þrjár tegundir af kokkteilum, Spicy með túrmerik og cayan, Gimlet með fennel og villimyntu og óáfengan sælkera kokteil sem runnu ljúft ofan í gesti sem nutu matar og munúðar.