Lífið

Kokteilvikan hefst í dag

Á þriðjudaginn verður besti barþjónn landsins krýndur í Perlunni. Þetta er í þriðja sinn sem World Class barþjónakeppnin er haldin hér á landi en í fyrsta sinn verður sérstök kokteilavika í kringum keppnina.

Andri Davíð var besti barþjónn landsins árið 2016. Hér sést hann einbeittur í World Class keppninni það árið.

World Class barþjónakeppnin er sú stærsta í heiminum. Barþjónar frá öllum löndum mæta og keppa um titilinn besti barþjónn heimsins. Það má kannski bera titilinn saman við Michelin-stjörnuna í veitingaheiminum og því til mikils að vinna. Í vetur kepptu 32 barþjónar um að komast í úrslitin sem verða haldin núna á þriðjudaginn en aðeins 10 barþjónar komust í gegnum niðurskurðinn. Sá sem sigrar á þriðjudaginn verður krýndur besti barþjónn landsins og fær keppnisrétt í alþjóðlegu keppninni.

Jónas Heiðarr keppti fyrir Íslandshönd í World Class keppninni í Mexíkó í fyrra. Hann starfar á Apótek og tók apótekaraþemað alla leið þarna úti.

Úrslitakeppnin stendur yfir allan þriðjudaginn og er fyrri hluti hennar lokaður gestum. Þær þrautir sem barþjónarnir þurfa að leysa eru:

Mystery basket Barþjónarnir fá körfu með óvæntum hráefnum sem þeir þurfa að gera kokteil úr.

Blindsmakk Barþjónarnir þurfa að greina mismunandi áfengistegundir upp úr ómerktum svörtum glösum. Bæði þurfa þeir að geta svarað því hvaða tegund þetta er og um hvaða vörumerki er að ræða.

Past vs present Keppendur þurfa að blanda einn klassískan kokteil og svo búa til sína útgáfu af honum. Drykkirnir þurfa að passa saman en á sama tíma að vera í ákveðinni mótsögn – til að mynda svartur og hvítur drykkur, fordrykkur og eftirdrykkur og svo framvegis.

Um kvöldið verður svo búið að skera niður í fjóra barþjóna og þá hefst partíið sem allir eru velkomnir í. Síðasta þrautin – sem partígestir fá að fylgjast með – er hraðakeppnin þar sem fjórir bestu barþjónar landsins þurfa að blanda átta drykki á átta mínútum.

Fátt klassískara en Martini. Barþjónar sem keppa í World Class keppninni þurfa að hafa góð tök á klassískum kokteilum.

Martini

Það verður ekki mikið klassískara en Martini. Í hann þarf ekki mikið en á móti verða þetta að vera hágæða hráefni – gin eins og Tanqueray no. 10, vermút og svo ólífa eða sítrónubörkur til skrauts.

60 ml gin

1 matskeið vermút

Hrærið vökvunum saman með smá ís eða skellið þeim í hristarann til blöndunar. Hellið í martini-glas (mikilvægt). Ólífa á kokteilpinna ofan í, eða smá sítrónubörkur.

Jónas Heiðarr, ríkjandi besti barþjónn landsins, heldur World Class námskeið á Apótek í kokteilvikunni. Ernir Eyjólfsson

Athugasemdir

Auglýsing
Auglýsing

Tengdar fréttir

Menning

Sækir innblástur í menningu og popplist

Lífið

Gylfi skipulagði afmæli Alexöndru

Fólk

Álfabikarinn er valdeflandi

Auglýsing

Nýjast

Dagur örvhentra er í dag

Milljarðamærin sem á allt fékk meira

Söngkonan Aretha Franklin sögð við dauðans dyr

Ís­kaldur Helgi Steinar slær í gegn: Yfir­lið í Edin­borg

Hlýleg íbúð í Hafnarfirðinum

Ástfangin oft á dag

Auglýsing