Brjóstgóða leikkonan Pamela Anderson hefur yfirgefið glamúr Hollywood og býr nú í Frakklandi ásamt kærasta sinum knattspyrnumanninum og heimsmeistaranum Adil Rami en hann leikur með franska félagsliðinu Marseille. Skötuhjúin hittust fyrst á kappakstursmóti í Mónakó í maí a síðasta ári og hafa verið að skjóta sér saman síðan. 

Pamela sem er nýorðin 51 árs virðist vera yfir sig hrifinn af Adil og vill ólm eignast með honum barn, en hún á þegar tvo syni á tvítugs og þrítugsaldri. 

Knattspyrnumaðurinn sem er 19 árum yngri en hún hefur þegar sannað að hann bæði skýtur og skorar en hann á tveggja ára tvíbura með fyrrverandi sambýliskonu sinni.

Sjá einnig: Segir kærstann skora þétt á heimavelli

Stjarna Strandvarðanna er sögð líta á Birgittu Nielsen og Janet Jackson sem fyrirmyndir sínar, en þær eignuðust báðar börn komnar yfir fimmtugt. 

Sjá einnig: Bomban Birgitta á von á barni. 

Heimildarmenn fréttamiðilsins Radar Online segja vini leikkonunnar ekki par hrifna af hugmyndinni en þeir segja meðgöngu of áhættusama vegna heilsufars Pamelu en hún greindist með lifrarbólgu C fyrir nokkrum árum síðan. 

Hún er laus undan einkennum sjúkdómsins í dag en ónæmiskerfi hennar fór laskað út úr þeirri viðureign. 

Sömu heimildir segja hana tilbúna til að ganga í gegnum erfiða hormónameðferð og tæknifrjóvgun til að láta drauminn um „eitt kríli í lokinn“ rætast sem vinum hennar þykir ekki áhættunnar virði. Við bíðum spennt eftir framhaldi málsins.