kynning

Klæðskerasniðin þjónusta

Exton leigir út og selur gæðabúnað fyrir viðburði af öllum stærðargráðum. Starfsmenn fyrirtækisins búa yfir mikilli þekkingu og reynslu og geta sniðið lausnir að þörfum viðskiptavina sinna.

Frá stórtónleikum Páls Óskars í Laugardalshöll.

Við sérhæfum okkur í leigu og sölu á búnaði sem tengist viðburðum af öllu tagi. Bæði stórviðburðum á borð við tónleika, ráðstefnur og árshátíðir og smærri tilefni eins og brúðkaup, fermingar og afmæli,“ segir Ingólfur Magnússon, framkvæmdastjóri leigusviðs Exton.

Innan veggja Exton er að finna óviðjafnanlega þekkingu á öllum þeim búnaði sem þarf til viðburðahalds og notkunarmöguleikum hans. „Starfsmennirnir eru okkar gullnáma og flestir hafa áralanga reynslu úr leikhúsum, viðburðum, tónleikum og sjónvarpi,“ segir Ingólfur og bætir við að Exton leggi áherslu á að senda starfsmenn sína reglulega á námskeið erlendis til að læra allt það nýjasta í greininni. „Okkur er kappsmál að vera með sérhæfðan mannskap með mikla reynslu enda fylgir því mikil ábyrgð að hengja upp þungan ljósabúnað fyrir ofan stóran hóp af fólki.“

Stór hluti starfsmanna Exton hefur reynslu bæði innan og utan landsteinanna. „Margir af okkar tæknimönnum hafa túrað með heimsfrægum hljómsveitum, bæði erlendum og íslenskum. Þar má nefna Of Monsters and Men, Björk, Placebo, Massive Attack, Sigur Rós og margar fleiri. Exton sér alfarið um svið og tækjabúnað ásamt tæknivinnu á G! Festival í Færeyjum árlega. Síðan má nefna að þó nokkrir á okkar vegum hafa farið í vinnu árlega á Hróarskeldu og fleiri hátíðir utan landsteinanna og koma þá heim reynslunni ríkari.“

Bjóða gæðabúnað

Söludeild Exton er með umboð fyrir búnað frá gæðamerkjum og leigusviðið notar mest þann búnað. „Við erum afar stolt af þessum merkjum,“ segir Ingólfur. Exton er til dæmis með umboð fyrir hljóðkerfi frá Meyer, NEXO og RCF, hljóðmixera frá Allen & Heath og Midas. Einnig ljósabúnað frá Clay paky og ljósaborð frá Grand MA light.

Hjá Exton er mjög algengt að leigja hljóðbúnað, ljósabúnað, vídeóbúnað, svið, túlka- og ráðstefnubúnað og hljóðfæri. „Einnig erum við með tjaldaleigu og hoppukastalaleigu. Tjaldaleiguna eignuðumst við fyrir tveimur árum og má segja að hún hafi verið punkturinn yfir i-ið hjá okkur. Nú getum við boðið viðskiptavinum að leigja allan pakkann hjá okkur. Til dæmis hefur verið vinsælt að búa til viðburði einhvers staðar úti í náttúrunni, þá tekur viðskiptavinurinn hjá okkur til dæmis tjald, rafstöð, svið, ljósa- og hljóðbúnað.“

Þjónusta um allt land

Exton er með starfsstöðvar í Kópavogi og á Akureyri en sinnir verkefnum um allt land. „Það er mjög algengt að við sendum búnað út á land fyrir allar tegundir og stærðargráður af verkefnum.“

Ingólfur segir nóg að gera hjá Exton. Áður hafi verkefnin hlaðist upp mest á vissa árstíma en nú séu þau að jafnast töluvert yfir árið.

Ráðstefnur eru einnig að verða æ stærri hluti af verkefnunum. „Við erum með afar handhægan túlka- og ráðstefnubúnað sem er mjög þægilegt að flytja á milli staða.“

Leigja út hljóðfæri

Exton rekur hljóðfæraleigu þar sem hægt er að leigja trommusett, gítarmagnara, hljómborð, bassamagnara og ýmislegt fleira. „Við erum með mjög gott úrval og náum til dæmis að þjónusta Airwaves með á annan tug trommu­setta, bassamagnara, gítarmagnara og fleira.

Lausnir sniðnar eftir þörfum

Á leigusviði Exton starfa verkefnastjórar og ráðgjafar. „Þeir stýra stærri verkefnum og geta sniðið lausnir fyrir fólk eftir þeirra þörfum. Viðskiptavinurinn getur þannig komið til ráðgjafans, sagt honum hvað hann langar að gera og fyrir ákveðna upphæð, og við finnum lausn sem allir eru sáttir við.“

Ingólfur segir útfærslurnar afar fjölbreyttar. „Fólk getur leigt búnaðinn með allri þjónustu, það er uppsetningu, yfirsetu og samantekt. Síðan er líka í boði að leigja búnað sem viðskiptavinurinn sækir sjálfur og skilar aftur.“

Nánari upplýsingar má nálgast á www.exton.is

Frá söngvakeppni RÚV.

Athugasemdir

Auglýsing
Auglýsing

Tengdar fréttir

kynning

Mikil vinna og alúð lögð í öll smáatriðin

kynning

Háskólinn í Reykjavík leggur áherslu á að vera góð fyrirmynd

kynning

Gríptu hollan og góðan bita á ferðalaginu hjá Nesti

Auglýsing

Nýjast

Stranger Things stikla: „Erum ekki börn lengur“

Ó­trú­lega stolt en á sama tíma sorg­mædd

Efna til tón­listar­há­tíðar í til­efni 50 ára af­mælis Woodstock

Bóka­dómur: Elsk­endur í út­rýmingar­búðum

Hundar skilja ótrúlega margt

Veisla fyrir hamingjusama hunda

Auglýsing