Búið er að ákveða lagaröðina í úrslitum Söngvakepninnar sem fer fram í Laugardalshöll þann 29. febrúar næstkomandi. Þar mun koma í ljós hvaða lag verður fulltrúi Ísland í Eurovision söngvakeppninni sem haldin verður í Rotterdam 12., 14. og 16. maí.

Reglur keppninnar kveða á um að á úrslitakvöldinu skulu öll lögin vera flutt á því tungumáli sem höfundur hyggst flytja lagið í Eurovision söngvakeppninni í Rotterdam. Höfundar laganna hafa nú ákveðið á hvaða tungumáli lögin verða flutt í úrslitunum og verða fjögur laganna flutt á ensku og eitt á íslensku.

  • Ísold og Helga verða fyrstar á svið með lagið Meet me halfway.

Lag: Birgir Steinn Stefánsson og Ragnar Már Jónsson

Enskur texti: Birgir Steinn Stefánsson, Ragnar Már Jónsson og Stefán Hilmarsson

Kosninganúmer: 900-9901

  • Númer tvö í röðinni verður Daði og Gagnamagnið með lagið Think about things.

Lag: Daði Freyr

Enskur texti: Daði Freyr

Kosninganúmer: 900-9902

  • Nína verður þriði flytjandinn á svið með lagið Echo.

Lag: Þórhallur Halldórsson og Sanna Martinez

Enskur texti: Þórhallur Halldórsson, Christoph Baer, Donal Ryan og Sanna Martinez

Kosninganúmer: 900-9903

  • Iva fer á svið á eftir Nínu með lagið Oculis Videre.

Lag: Íva Marín Adrichem og Richard Cameron

Enskur texti: Richard Cameron

Kosninganúmer: 900-9904

  • Hljómsveitin Dimma stígur síðast á svið.

Lag: Dimma

Íslenskur texti: Ingó Geirdal

Kosninganúmer: 900-9905

Kosningafyrirkomulagið verður eins og í fyrra. Alþjóðleg dómnefnd, sem tilkynnt verður á keppnisdegi, vegur helming á móti símakosningu almennings í fyrri hluta úrslitanna. Þau tvö lög sem fá flest stig fara þá áfram í svokallað einvígi og þá hefst önnur kosning á milli þeirra tveggja . Í þeirri kosningu gilda eingöngu símaatkvæði almennings en atkvæðin sem lögin fengu í fyrri kosningunni fylgja lögunum inn í einvígið. Það verður því stigahæsta lag kvöldsins sem fer með sigur af hólmi.

Mikið verður um dýrðir á úrslitakvöldinu en auk laganna fimm sem keppa mun Hatari, sigurvegari keppninnar í fyrra og norska sveitin Keiino, sem hlaut flest símaatkvæði áhorfenda í Eurovision söngvakeppninni í fyrra, stíga á svið.