Kári Stefánsson, forstjóri Íslenskrar erfðagreiningar, minnist eiginkonu sinnar, Valgerðar Ólafsdóttur, sem lést á Landspítalanum í gær, í færslu á Facebook-síðu sinni.

„Ástin mín hún Valgerður Ólafsdóttir, sem var förunautur minn í 53 ár lést á Landspítalanum í gær. Fyrir neðan eru tvö ljóð til hennar,“ segir Kári í færslu sinni. Annað ljóð Kára er á ensku en hitt er á íslensku.

Valgerður var þroskasálfræðingur að mennt og framkvæmdastjóri Velferðasjóðs barna. Hún var fædd árið 1951.

Vala

I remember lost causes

as well as those fought

to victory.

I remember men who fell

by the wayside.

I remember smiles that

never took place.

I remember poems

that were never written

and I remember

her

as a young woman

with a face like no other face,

with all the beauty

of this world and

all other worlds in one face.

I remember sadness in the face

of all faces that should have

been quenched,

but wasn´t.

I remember my inadequacies

and failures.

I remember the pain from

not being able to

deal with her pain

as a part of her.

I remember letting down

the only woman I ever loved.

Vala

ég hlusta

til þess eins

að heyra

í þér

hjarta sem slær

í takt

við veröld svo fjarri

Dagur að drekka kaffi

á Mokka eða Tröð

að telja kjark

í byltingasinnaða snáða

og þú í appelsínugulum kjól

og allt sem ég gat gert fyrir þig

en gerði ekki

og get ekki meir.

Guð hvað þetta er gallað líf

sem ég hef lifað

og langt frá því

að ríma við góðan smekk