Guccio Gucci starfaði um tíma sem vikapiltur á Savoy-hótelinu í London og lærði þar inn á þarfir og smekk ríka fólksins þegar kom að töskum og farangri. Hann nýtti þessa þekkingu sína þegar hann stofnaði Gucci í Flórens fyrir hundrað árum síðan. Verslunin sérhæfði sig í vönduðum og innfluttum leðurtöskum og öðrum farangri.

Í tilefni hundrað ára afmælis merkisins hefur verið ákveðið að tjalda öllu til. Heimsfaraldurinn flækist þó fyrir, en sýning Gucci á línu sem gerð var í samstarfi við Balenciaga og listrænan stjórnanda þess, Demna Gvasalia, var sýnd í streymi frá The Savoy Club á fimmtudag. Hugmyndasmiðurinn að baki línunni er listrænn stjórnandi Gucci, Alessandro Michele. Hann tekur snið, mynstur og pælingar úr fyrri línum beggja merkja og tvinnar saman. Línan hefur vakið mikla athygli og lof, hún þykir frumleg og ná að sameina helstu kosti merkjanna.

Bæði tískuhúsin eru í eigu sömu samsteypu sem kallast Kering. Hún á fjöldann allan af tískuhúsum á borð við Yves Saint Laurent, Bottega Veneta og Alexander McQueen. Það er þá bara um að gera að krossa fingur og vonast eftir meira spennandi samstarfi á borð við þetta.

Við munum vafalaust sjá þetta tösku-beisli víða á næstu misserum.
?Samstarfið er hugarfóstur listræns stjórnanda Gucci, Alessandro Michele.
Beislin eru vísun í beisli sem eru á klassískum Gucci-töskum. Þau komu í ýmsum stærðum og útgáfum á sýningunni.
Alessandro Michele sagðist hafa reynt að blanda saman ferskleika listræns stjónanda Bal­enciaga, Demna Gvasalia, og þeim kynþokka sem einkenndi Gucci þegar það var undir stjórn Toms Ford.
?Klassíska mynstrið sem einkennir Gucci var mikið notað.myndir/getty
Þessi jakkaföt eru skírskotun í föt hönnuð af Tom Ford þegar hann var listrænn stjórnandi Gucci.
Gwyneth í Gucci
?Línunni var hrósað fyrir frumleika og framsækni, í bland við klassísk snið og mynstur.
Inn á milli fékk litagleðin að njóta sín. Hvítir kragar skreyttu margar flíkur.