Að­dá­endur Fri­ends þáttanna sem heim­sóttu stúdíóið þar sem þættirnir vor teknir upp, fengu ef­laust meira en þeir höfðu búist við af heim­sókninni þegar Jenni­fer Ani­ston birtist upp úr þurru og hræddi úr þeim líftóruna.

Í stúdíóinu býðst að­dá­endum meðal annars að setjast í sófann sem allir að­dá­endur þáttanna þekkja, þar sem Rachel, Joey, Phoebe, Moni­ca, Ross og Chandler sátu svo oft. Það sem að­dá­endurnir vissu hins vegar ekki var að Jenni­fer hafði falið sig á bak við sófann, til­búin að stökkva fram og bregða þeim.

Eins og má sjá á mynd­bandinu tókst hrekkurinn, sem var gerður til að aug­lýsa að Jenni­fer mun stjórna Ellen þætti í vikunni, mjög vel og áttu sumir erfitt með að trúa því að sjálf Rachel væri á staðnum.